ఖైదీ, విక్ర‌మ్ సినిమాల‌తో.. లోకేష్ క‌న‌గ‌రాజ్ త‌న‌దైన ముద్ర వేసేశాడు. ఇప్పుడు లోకేష్ తో ప‌ని చేయ‌డానికి టాప్ హీరోలు, నిర్మాత‌లు ఎదురు చూస్తున్నారు. అయితే… లోకేష్ ప్లానింగ్‌ మ‌రో ప‌దేళ్ల‌కు ఫిక్స‌యిపోయింది. ఇదే విష‌యాన్ని లోకేష్ స్వ‌యంగా చెప్పాడు. `చేతిలో ఉన్న సినిమాలు పూర్తి చేయ‌డానికి ప‌దేళ్లు కావాలి.. అప్ప‌టి వ‌ర‌కూకొత్త క‌థ‌ల్నికూడా ఆలోచించ‌లేను` అని స్ప‌ష్టం చేశాడు లోకేష్‌.

లోకేష్ ప్ర‌స్తుతం విజ‌య్ తో ఓ సినిమా చేస్తున్నాడు. ఆ త‌ర‌వాత‌.. ఖైదీ 2 ప‌ట్టాలెక్కుతుంది. విక్ర‌మ్ కి సీక్వెల్ గానీ, ప్రీక్వెల్ గానీ ఉంటుంది. రోలెక్స్ క్యారెక్ట‌ర్ తో ఓ సినిమా చేయాల‌న్న‌ది లోకేష్ ప్లాన్‌. ఒక్కో సినిమాకీ క‌నీసం రెండేళ్లు టైమ్ తీసుకోవ‌డం లోకేష్ స్టైల్‌. సో… ఇవ‌న్నీ అవ్వాలంటే ఇంకో ప‌దేళ్లు ప‌ట్ట‌డం ఖాయం. 2023లో విజ‌య్ సినిమా వ‌స్తుంది. ఆ యేడాది చివ‌ర్లో.. ఖైదీ 2 మొద‌ల‌వుతుంది. లోకేష్ తో సినిమా చేయాలంటే ప‌దేళ్ల వ‌ర‌కూ ఆగాలన్న‌మాట‌.