చిరంజీవి క‌థానాయ‌కుడిగా న‌టిస్తున్న చిత్రం ‘వాల్తేరు వీర‌య్య‌’ ఈ సంక్రాంతికి విడుద‌ల కాబోతున్న సంగ‌తి తెలిసిందే. శ్రుతిహాస‌న్ క‌థానాయిక‌గా న‌టిస్తోంది. ఈ సినిమాలో ఓ హాట్ సీన్ ఉంద‌ని స‌మాచారం. అయితే.. అది చిరు – శ్రుతిల‌పై కాదు. ర‌వితేజ – కేథ‌రిన్‌ల‌పై. ఈ సినిమాలో ర‌వితేజ ఓ కీల‌క పాత్ర పోషిస్తున్నాడు. ర‌వితేజ‌కు జోడీగా కేథ‌రిన్ కనిపించ‌నుంది. ఈ సినిమాలో ర‌వితేజ – కేథ‌రిన్‌ల మ‌ధ్య హాట్ లిప్ లాక్ సీన్ ఒక‌టి డిజైన్ చేశారు. ఇటీవ‌లే.. ఆ సీన్ ని కూడా చిత్రీక‌రించారు. స్వ‌త‌హాగా కేథ‌రిన్ లిప్ లాక్కుల‌కు ‘నో’ చెబుతుంటుంది.కాక‌పోతే.. ఈ సీన్ డిమాండ్ చేయ‌డంతో ఆమె ఒప్పుకోక త‌ప్ప‌లేద‌ని తెలుస్తోంది. ప్ర‌స్తుతం ‘వాల్తేరు వీర‌య్య‌’ టీమ్ విదేశాల్లో ఉంది. అక్క‌డ చిరంజీవి, శ్రుతిహాస‌న్‌ల‌పై ఓ గీతాన్ని తెర‌కెక్కిస్తున్నారు. ఈనెల మూడో వారంలోగా షూటింగ్ తో పాటుగా, పోస్ట్ ప్రొడ‌క్ష‌న్ కార్య‌క్ర‌మాలు పూర్త‌వుతాయ‌ని తెలుస్తోంది. ఆ వెంట‌నే ప్ర‌మోష‌న్ కార్య‌క్ర‌మాల‌కు శ్రీ‌కారం చుడ‌తారు. వాల్తేరు నుంచి రెండు టీజ‌ర్లు, ఓ పాట విడుద‌ల‌య్యాయి. త్వ‌ర‌లోనే మ‌రో పాట విడుద‌ల చేయ‌డానికి స‌న్నాహాలు చేస్తున్నారు.