బ‌న్నీ అభిమానులు ఎప్ప‌టి నుంచో ఎదురు చూస్తున్న పుష్ప 2 ఎట్ట‌కేల‌కు ప‌ట్టాలెక్కింది. ఈ రోజు హైద‌రాబాద్ లో పుష్ప 2 షూటింగ్ గ‌ప్ చుప్ గా మొద‌లైన‌ట్టు టాక్‌. అల్లు స్టూడియోలో… ఈ సినిమా షూటింగ్ ప్రారంభించారు. రెండ్రోజుల త‌ర‌వాత‌.. రామోజీ ఫిల్మ్ సిటీకి లొకేష‌న్ షిఫ్ట్ చేస్తారు. ఈ షెడ్యూల్ దాదాపు 10 రోజుల పాటు సాగ‌బోతోంద‌ని టాక్‌. ఈనెల 16న `అవ‌తార్ 2` విడుద‌ల అవుతున్న సంగ‌తి తెలిసిందే. `అవ‌తార్ 2` ప్ర‌ద‌ర్శింప‌బ‌డుతున్న థియేట‌ర్ల‌లో `పుష్ప 2` గ్లిమ్స్ ప్లే చేస్తారు. బ్యాంకాక్‌లోనూ ఓ కీల‌క‌మైన షెడ్యూల్ ఉంది. అక్క‌డ అట‌వీ నేప‌థ్యంలో సాగే స‌న్నివేశాల్ని తెర‌కెక్కిస్తారు. ర‌ష్మిక క‌థానాయిక‌గా న‌టిస్తున్న ఈ చిత్రానికి దేవిశ్రీ ప్ర‌సాద్ సంగీతం అందిస్తున్న సంగ‌తి తెలిసిందే. దేవి ఇప్ప‌టికే మూడు ట్యూన్లు సిద్ధం చేశాడ‌ని టాక్‌. పుష్ప 1లో ఊ అంటావా మామ‌.. అనే పాట ఎంత హిట్ట‌య్యిందో ప్ర‌త్యేకంగా చెప్పాల్సిన ప‌ని లేదు. ఈ సినిమాలోనూ ఓ ఐటెమ్ సాంగ్ ఉంటుంది. అందుకోసం బాలీవుడ్ స్టార్ ని రంగంలోకి దింపే ప్ర‌య‌త్నాలు జ‌రుగుతున్నాయి.