సెకండ్ ఇన్నింగ్ లో కామెడీతో పాటు చాలా రకాల పాత్రలు ప్రయత్నించాడు సునీల్. పుష్ప లో మంగళం శ్రీను పాత్ర మాత్రం సునీల్ కెరీర్ లో నిలిచిపోయింది. సునీల్ విలనిజం కూడా అద్భుతంగా చేస్తాడని నిరూపించింది. మంగళం శీను’గా పాన్ ఇండియా రేంజ్‌లో ఫేమస్ అయిపోయాడు. ఇదే పాత్ర సూపర్ స్టార్ రజనీకాంత్ సినిమాలో అవకాశం వచ్చేలా చేసింది.

రజినీకాంత్ నటిస్తున్న జైలర్ మూవీలో సునీల్ ఓ పాత్ర చేస్తున్నాడు. నెల్సన్ దిలీప్ కుమార్‌ దర్శకత్వం వహిస్తున్న ఈ సినిమా షూటింగ్ చివరి దశకి చేరుకోగా.. తాజాగా ఈ సినిమా నుండి సునీల్ ఫస్ట్ లుక్ ని వదిలారు. జైలర్ మూవీలోనూ మంగళం శ్రీను లాంటి సీరియస్ క్యారెక్టర్ అతనికి దక్కినట్లు తాజాగా రిలీజ్ చేసిన ఫస్ట్ లుక్‌ని బట్టి అర్థమవుతోంది.

సన్‌ పిక్చర్ బ్యానర్‌పై తెరకెక్కుతున్న ఈ సినిమాలో రజినీకాంత్‌‌కి జోడీగా చాలా కాలం తర్వాత రమ్యకృష్ణ నటిస్తోంది. ఈ ఇద్దరూ కలిసి గతంలో నరసింహా సినిమాలో నటించిన విషయం తెలిసిందే. అలానే కన్నడ హీరో శివరాజ్ కుమార్, మలయాళం హీరో మోహన్ లాల్ కూడా కీలక పాత్రలో కనిపించనున్నారు. ఈ ఏడాది ఏప్రిల్ 14న జైలర్ మూవీ థియేటర్లలోకి రాబోతోంది.