ఈనెల 26న విడుద‌ల కావాల్సిన సినిమా బుట్ట‌బొమ్మ. ఇప్పుడు రిలీజ్ అనుమానంగా మారింది. సితార ఎంట‌ర్‌టైన్మెంట్స్ నుంచి వచ్చిన సినిమా ఇది. సితార ఆఫీసులో ఐటీ రైడ్స్ జ‌రుగుతున్నాయి. ఈ నేప‌థ్యంలో.. `బుట్ట‌బొమ్మ` విడుద‌ల కావ‌డం అనుమానంగా మారింది. రేప‌టి లోగా విడుద‌ల తేదీ లో ఓ స్ప‌ష్ట‌త రావొచ్చు. ఈనెల 26న `హంట్‌` వ‌స్తోంది. ఒక‌వేళ బుట్ట‌బొమ్మ రాక‌పోతే… సుధీర్ బాబు సినిమాకి సోలో రిలీజ్ దొరుకుతుంది. ఈ వారం సినిమాలేవీ విడుద‌ల కాలేదు. సంక్రాంతికి వచ్చిన సినిమాల‌తోనే బాక్సాఫీసు స‌ర్దుకుపోతోంది.
త‌మిళంలో విజ‌య‌వంత‌మైన క‌ప్పెల చిత్రానికి రీమేక్‌.. బుట్ట‌బొమ్మ. ఈ చిత్రంలో త్రివిక్ర‌మ్ వాటా కూడా ఉంది. త్రివిక్ర‌మ్ స‌తీమ‌ణి సౌజ‌న్య ఈ చిత్రానికి ఒకానొక నిర్మాత‌గా వ్య‌వ‌హ‌రిస్తున్నారు. అనిక సురేంద్ర‌న్‌, సూర్య వ‌శిష్ట, అర్జున్ దాస్ కీల‌క పాత్ర‌లు పోషించారు. సూర్య వ‌శిష్ట… త్రివిక్ర‌మ్ కి అత్యంత స‌న్నిహితుడైన కో డైరెక్ట‌ర్ స‌త్యం కుమారుడు కావ‌డం విశేషం.
