ప్ర‌భాస్ ఇప్పుడు పాన్ వ‌ర‌ల్డ్ స్టార్‌. త‌న‌తో సినిమా చేయ‌డం అంటే మాట‌లు కాదు. దేశ వ్యాప్తంగా పెద్ద పెద్ద ద‌ర్శ‌కులు ప్ర‌భాస్ కోసం ఎదురు చూస్తున్నారు. ఎవ‌రికీ రాని అవ‌కాశం.. మారుతికి వ‌చ్చింది. దాన్ని స‌ద్వినియోగం చేసుకోవ‌డానికి మారుతి… అంతే గ‌ట్టిగా క‌ష్ట‌ప‌డుతున్నాడు. ఈ సినిమాలో ప్ర‌భాస్ క్యారెక్ట‌రైజేష‌న్‌, డ్ర‌స్సింగ్ స్టైల్‌, బాడీ లాంగ్వేజ్‌.. ఇవ‌న్నీ స‌రికొత్త‌గా ఉండేలా జాగ్ర‌త్త ప‌డుతున్నాడు. మారుతి స్క్రిప్టు రైటింగ్ లో చాలా ఫాస్ట్‌. నెల రోజుల్లోనే స్క్రిప్టు మొత్తం అవ్వ‌గొట్ట‌గ‌ల‌డు. కానీ… ఇది ప్ర‌భాస్ సినిమా. అందుకే నెల‌ల త‌ర‌బ‌డి రాస్తూనే ఉండిపోయాడు. మేకింగ్ విష‌యంలోనూ రాజీ ప‌డ‌డం లేదు.

ఈ సినిమా మొద‌లైంది. కొన్ని రోజులు షూటింగ్ కూడా జ‌రుపుకొంది. మారుతి వ‌ర్క్ ప‌ట్ల ప్ర‌భాస్ పూర్తి సంతృప్తితో ఉన్నాడ‌ని టాక్‌. “నా చేతిలో ఏడు సినిమాలున్నాయ్‌.. ఏ సెట్లోనూ ఇంత జోవియ‌ల్‌గా స‌ర‌దాగా లేను.అస‌లు షూటింగ్ జ‌రుగుతున్న‌ట్టే లేదు“ అంటూ త‌న స‌న్నిహితుల‌కు చెబుతున్నాడ‌ట ప్ర‌భాస్‌. ఈ ఫీడ్ బ్యాక్ చూసి.. మారుతి ఫుల్ ఖుషీ అయిపోతున్నాడు. ఫిబ్ర‌వరిలో ఈ సినిమాకి సంబంధించిన కొత్త షెడ్యూల్ మొద‌లు కాబోతోంది. ఇందుకోసం హైద‌రాబాద్‌లో ఓ భారీ సెట్ వేశారు. అక్క‌డే కీల‌క‌భాగం షూటింగ్ జ‌ర‌గ‌బోతోంది.