వెంక‌టేష్ 75వ చిత్రానికి ముహూర్తం కుదిరింది. ఈ సినిమాకి `హిట్` ఫేమ్ శైలేష్ కొల‌ను ద‌ర్శ‌క‌త్వం వ‌హిస్తాడ‌ని ముందు నుంచీ ప్ర‌చారం జ‌రుగుతోంది. ఇప్పుడు అదే నిజమైంది. ఈ కాంబోకి సంబంధించిన అధికారిక ప్ర‌క‌ట‌న వ‌చ్చేసింది. నిహారిక ఎంట‌ర్టైన్‌మెంట్స్ సంస్థ ఈ చిత్రాన్ని తెర‌కెక్కిస్తోంది. ఈనెల 25న పూర్తి వివ‌రాలు వెల్ల‌డ‌వుతాయి. ఇదో యాక్ష‌న్ థ్రిల్ల‌ర్‌. వెంకీని ఇప్ప‌టి వ‌ర‌కూ ఎవ‌రూ, ఎప్పుడూ చూపించ‌ని కోణంలో.. ఆ పాత్ర‌ని తీర్చిదిద్దాడ‌ట శైలేష్ కొల‌ను. హిట్, హిట్ 2ల‌తో ఈ ద‌ర్శ‌కుడి ఖాతాలో వ‌రుస‌గా రెండు హిట్లు ప‌డ్డాయి. నానితో హిట్ 3 తీసే అవ‌కాశం కూడా వ‌చ్చింది. అయితే దానికంటే ముందు వెంకీ సినిమా ఫిక్స‌య్యింది. వెంక‌టేష్ సినిమా అవ్వ‌గానే హిట్ 3ని మొద‌లెడ‌తాడు. ఈ చిత్రంలో న‌టించే ఇత‌ర న‌టీన‌టులు, సాంకేతిక నిపుణుల వివ‌రాలు బుధ‌వారం వెల్ల‌డిస్తారు.