నాగ‌శౌర్య‌లోని రియ‌ల్ హీరో బ‌య‌టకు వ‌చ్చాడు. న‌డిరోడ్డుపై అమ్మాయిని చేయి చేసుకొన్న ఓ యువ‌కుడ్ని నిల‌దీసిన నాగ‌శౌర్య నెటిజ‌న్ల మ‌న‌సుల్ని గెలుచుకొన్నాడు. మంగళవారం హైద‌రాబాద్‌లో… న‌డిరోడ్డుపై ఓ యువ‌తిని ఓ యువ‌కుడు కొట్ట‌డం.. శౌర్య గ‌మ‌నించాడు. ఆ స‌మ‌యంలో కారులో వెళ్తున్న శౌర్య, వెంట‌నే కింద‌కి దిగి… ఆ యువ‌కుడ్ని అడ్డుకున్నాడు. అంతే కాదు.. రోడ్డుపై అమ్మాయిని ఎందుకు కొడుతున్నావ్‌? అంటూ నిల‌దీశాడు. `మేమిద్ద‌రం ల‌వ‌ర్స్‌` అని ఆ అబ్బాయి చెప్పినా శౌర్య శాంతించ‌లేదు. ల‌వ‌ర్ అయితే కొడ‌తావా? అంటూ మ‌రింత గ‌ట్టిగా అడ‌గ‌డంతో.. చివ‌రికి ఆ అమ్మాయికి అబ్బాయి సారీ చెప్పాడు. నిజానికి ఇదంతా.. ఫ్రాంక్ వీడియోనో, సినిమా ప్ర‌మోష‌న్ కోస‌మో చేశార‌నుకొన్నారంతా. కానీ.. అది రీల్ కాద‌ని, రియ‌ల్ అని ఆ తరవాత అర్థ‌మైంది. దాంతో.. శౌర్య చేసిన ప‌నికి సోష‌ల్ మీడియాలో పాజిటీవ్ రెస్పాన్స్ వ‌స్తోంది. శౌర్య మంచి ప‌ని చేశాడంటూ అంతా అభినందిస్తున్నారు. ఈ విష‌యంలో ఇండ‌స్ట్రీ వ్య‌క్తుల మ‌న‌సుల్నీ గెలుచుకొన్నాడు నాగ‌శౌర్య. ముఖ్యంగా హీరోయిన్లు కొంత‌మంది శౌర్య‌కు ఫ్యాన్స్ అయిపోయారు. కొంత‌మంది క‌థానాయిక‌లు శౌర్య‌కు ఫోన్ చేసి.. అభినందిస్తున్నార‌ట. మొత్తానికి తెర మీదే కాదు… బ‌య‌ట కూడా తాను రియ‌ల్ హీరోనే అనిపించుకొన్నాడు నాగ‌శౌర్య.
శౌర్య చేసిన ప‌నికి ఫ్యాన్స్ అయిపోయిన హీరోయిన్లు
