మనసుని కదిలే ప్రేమకథతో మన ముందుకు రాబోతున్నారు మల్లెలతీరంలో సిరిమల్లె చెట్టు దర్శకుడు రామరాజు. మధుర శ్రీధర్-టివి9 ఆధ్వర్యంలో నిర్మిస్తున్న ఒక మనసు సినిమాలో నాగశౌర్య, మెగా డాటర్ నిహారిక లీడ్ రోల్స్ చేస్తున్నారు. అయితే ఈ సినిమాలో నిహారిక నటించడంతో సూపర్ క్రేజ్ వచ్చింది. ఇక నిహారిక సినిమాలో నటించడానికి ముందే తనే నిర్మాతగా వ్యవహరిస్తూ వస్తున్న ముద్దపప్పు ఆవకాయ్ తో తానేంటో ప్రూవ్ చేసుకుంటుంది.
వెబ్ సీరీస్ గా వస్తున్న ఆ మిని టెలి ఫిల్మ్ లో నిహారిక తన యాక్టింగ్ తో అందరిని ఇంప్రెస్ చేస్తుంది. ప్రస్తుతం నటిస్తున్న ఒక మనసు కూడా పూర్తి కావొచ్చిన ఈ సందర్భంలో ఈ సినిమాలో హీరోగా నటిస్తున్న నాగశౌర్య సినిమా బాగా వస్తుందని యువతకు మంచిగా నచ్చే సినిమా ఇది అవుతుందని తన అభిప్రాయాన్ని వ్యక్తపరిచాడు. త్వరలో ఆడియో రిలీజ్ చేసుకోబోతున్న ఈ సినిమా ఆడియోకి మెగా అథిధులంతా రాబోతున్నట్టు సమాచారం.
మరి మెగా డాటర్ నిహారిక మొదటి సినిమా ఎలాంటి ఫలితాన్ని ఇస్తుంది అనేది ఇప్పుడు హాట్ టాపిక్ అయ్యింది. నాగశౌర్య నటించిన కళ్యాణ వైభోగమే సినిమా మార్చ్ 4న రిలీజ్ అవుతుంది. నందిని రెడ్డి దర్శకత్వంలో వచ్చిన ఆ సినిమాపై చాలా హోప్స్ పెట్టుకున్నారు చిత్ర యూనిట్.
