టాలీవుడ్ లో మ‌రో మ‌ల్టీస్టార‌ర్ తెర‌కెక్క‌బోతోంది. ఈసారి ర‌వితేజ‌, శ‌ర్వానంద్ క‌లిసి వెండి తెర‌పై సంద‌డి చేయ‌బోతున్నారు. క‌ల‌ర్ ఫొటో ఫేమ్ సందీప్ రాజ్ ఈ చిత్రానికి ద‌ర్శ‌క‌త్వం వ‌హించ‌బోతున్నారు. జీ స్టూడియోస్ సంస్థ నిర్మించ‌నుంది. ఈ సినిమాలో ర‌వితేజ, శ‌ర్వానంద్ గురు శిష్యులుగా క‌నిపించ‌బోతున్నార‌ని తెలుస్తోంది. ఓ లెక్చ‌ల‌ర్‌కీ, ఓ స్టూడెంట్ కీ మ‌ధ్య జ‌రిగే క‌థ ఇది. వాళ్ల మ‌ధ్య ఉండే రిలేష‌న్‌, ఎమోష‌న్స్‌, కాన్ఫ్లిక్ట్ ఈ క‌థ‌కు మూలం. ఇప్ప‌టికే… ర‌వితేజ‌కు ఫుల్ స్క్రిప్ట్ నేరేట్ చేశాడు.. సందీప్‌రాజ్‌. శ‌ర్వా కూడా దాదాపుగా ఓకే చెప్పేసిన‌ట్టే. ఒక‌వేళ శ‌ర్వానంద్ `నో` అంటే సిద్దు జొన్న‌ల‌గ‌డ్డ ఈ సినిమాలో న‌టించే అవ‌కాశం ఉంది. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. మ‌ల్టీస్టార‌ర్ కాబ‌ట్టి.. ఇద్ద‌రు హీరోల డేట్లు ఒకేసారి దొర‌క‌డం క‌ష్టం. దాన్ని బ‌ట్టే షెడ్యూల్ ప్లాన్ చేసుకోవాల్సి ఉంటుంది. ఈమ‌ధ్యే `వాల్తేరు వీర‌య్య‌`తో ఓ మ‌ల్టీస్టార‌ర్ చేసి హిట్టు కొట్టాడు ర‌వితేజ‌. ఆ ఉత్సాహంలోనే ఈ క‌థ‌కూ ఓకే చెప్పేసిన‌ట్టు టాక్. త్వ‌ర‌లోనే ఈ కాంబోపై ఓ అధికారిక ప్ర‌క‌ట‌న రానుంది.