కింగ్ నాగార్జున అంటేనే ఇన్నాళ్లు ఉన్న అభిమానం కన్నా ఈ మధ్య ఆయన చేస్తున్న సినిమాలను చూస్తుంటే దానికి రెట్టింపు అయ్యిందని అనాలి. మనం, సోగ్గాడే చిన్ని నాయనా సినిమాలతో హిట్ కొట్టిన నాగార్జున ప్రస్తుతం ఊపిరిగా ప్రేక్షకులముందుకు రాబోతున్నాడు. అయితే ఎప్పుడు కొత్తదనానికి ప్రేరణ ఇస్తూ సినిమాల స్థాయిని పెంచుతూ వస్తున్న నాగార్జున ఊపిరిలో కూడా కేవలం వీల్ చైర్ లోనే నటించి మెప్పిస్తాడట. నవరస నటనా కౌశల్యాన్ని ప్రదర్శిస్తున్న నాగార్జునకు ఇదేం పెద్ద విషయం కాకపోయినా మూస ఫార్ములాతో వెళ్తున్న స్టార్ హీరోలకు షాక్ ఇస్తూ ప్రయోగాలకు పట్టం కడుతున్నాడు.
సినిమా అంటే మనసుని గెలవడం అలాంటి నటనా చాతుర్యంతో అశేష ప్రేక్షకాదరణ పొందుతూ వస్తున్న నాగ్ బుల్లితెర ప్రేక్షకులను కూడా మీలో ఎవరు కోటీశ్వరుడు ద్వారా ఆకట్టుకుంటున్నారు. ముఖ్యంగా తన స్టార్ డంను పక్కబెట్టి మీలో ఎవరు కోటీశ్వరుడు ద్వారా మనలో ఒకడిగా ఉన్నారు నాగార్జున. సినిమా సినిమాకు రకరకాల ప్రయోగాలను చేస్తూ తీస్తున్న సినిమాలన్ని వరుస హిట్ చేసుకుంటున్న నాగ్ ఊపిరితో కూడా మరో హిట్ అందుకుంటాడని ప్రత్యేకంగా చెపాల్సిన పనిలేదు. మరి సూపర్ హిట్ మేనియాను కంటిన్యూ చేస్తున్న నాగ్ మరి ఇంకా తెలుగు ప్రేక్షకుల కోసం మరికెన్ని సర్ ప్రైజ్ లు ఇస్తారో చూడాలి.
