వి.వి.వినాయక్ అంటే టాలీవుడ్ సూపర్ క్రేజీ దర్శకుల్లో ఒకరని అందరికి తెలిసిందే. తెలుగు సినిమాలో కమర్షియల్ హంగులద్దడానికి జనరేషన్ కు ఒకరు ఉంటారు.అలా ఈ ప్రస్తుతం జనరేషన్ ఎమోషన్ కు హీరోల క్రేజ్ ను బట్టి సినిమాలను కమర్షియల్ గా తీసి సూపర్ హిట్ చేస్తుంటాడు వినాయక్. అయితే వినాయక్ ఈ మధ్య కాస్త తడబడుతున్నాడని తెలిసిందే అయినా తనతో సినిమా అంటే స్టార్ హీరోలు సరే అనక తప్పదు. రీసెంట్ గా అఖిల్ తో ఫ్లాప్ చవిచూసినా సరే మెగాస్టార్ సినిమాకు అతనే ఫైనల్ దర్శకుడు అయ్యాడు.
కెరియర్ లో కాస్త తప్పటడుకులు వేస్తున్నా వినాయక్ అంటే స్టార్ దర్శకుడు అనే భావన ఎప్పుడూ ఉంటుంది. ఇక దర్శకుడిగా ప్రయాణం కొనసాగిస్తూనే నిర్మాణ రంగంలోకి అడుగులేస్తున్నాడు వినాయక్. సుకుమార్ ఇచ్చిన స్పూర్తితోనేనా లేక దీనికి మరేదైనా కారణం ఉందా అన్నది తెలియలేదు కాని వినాయక్ నిర్మాణ రంగంలోకి అడుగుపెట్టడానికి రెడీ అయ్యాడు. కత్తి రీమేక్ అనివార్య కారణాల వల్ల పోస్ట్ పోన్ అవడంతో ఈ విరామ సమయంలో ఈ నిర్ణయం తీసుకున్నట్టు తెలుస్తుంది.
అంతేకాదు తను నిర్మించే సినిమాలతో టాలెంట్ ఉన్న దర్శకుకులకు అవకాశం ఇవ్వబోతున్నాడు. మరి వినాయక్ చేస్తున్న ఈ ప్రయత్నం ఎంతవరకు సక్సెస్ అవుతుందో చూడాలి.
