మ‌హేష్‌బాబు – త్రివిక్ర‌మ్ కాంబినేష‌న్‌లో ఓ చిత్రం రూపుదిద్దుకొంటోంది. ఈ చిత్రానికి `అమ‌రావ‌తికి అటూ ఇటూ` అనే టైటిల్ ప‌రిశీలించారు. ఇప్పుడు `గుంటూరు కారం`గా ఫిక్స్ చేసిన‌ట్టు స‌మాచారం. ఈనెల 31న టీజ‌ర్‌ని విడుద‌ల చేయ‌బోతున్నారు. ఈ సంద‌ర్భంగా టైటిల్ కూడా అధికారికంగా ప్ర‌క‌టిస్తారు. నిజానికి… `అమ‌రావ‌తికి అటూ ఇటూ` అనే టైటిల్ ఆల్మోస్ట్ ఖ‌రారు చేశారు. అయితే టీజ‌ర్ క‌ట్ చేస్తే.. మ‌హా మాసీగా వ‌చ్చింది. మ‌హేష్ క్యారెక్ట‌రైజేష‌న్‌కి, టైటిల్ కీ, క‌ట్ చేసిన టీజ‌ర్‌కీ మ్యాచ్ కాలేదు. దాంతో… చివ‌రికి గుంటూరు కారం అయితే బాగుంటుంద‌ని దాన్నే ఫైన‌ల్ చేశారు. పూజా హెగ్డే, శ్రీ‌లీల క‌థానాయిక‌లుగా న‌టిస్తున్నారు. త‌మ‌న్ సంగీతం స‌మ‌కూరుస్తున్నారు. మ‌హేష్ – త్రివిక్ర‌మ్ కాంబో అంటే అంచ‌నాలు ఏ స్థాయిలో ఉంటాయో చెప్పాల్సిన ప‌నిలేదు. అత‌డు, ఖ‌లేజాల‌తో.. ఈ కాంబోపై న‌మ్మ‌కాలు పెరిగాయి. ఈ రెండు సినిమాల్లోనూ మ‌హేష్ క్యారెక్ట‌రైజేష‌న్ కొత్త‌గా డిజైన్ చేశాడు త్రివిక్ర‌మ్‌. ఈ సినిమాలోనూ మ‌హేష్ క్యారెక్ట‌రైజేష‌నే హైలెట్ అవ్వ‌బోతోంద‌న్న‌ది ఇన్ సైడ్ వ‌ర్గాల టాక్‌.