రాజ‌శేఖ‌ర్ రెడ్డి జీవిత క‌థ ఆధారంగా తెర‌కెక్కిన చిత్రం ‘యాత్ర‌’. మ‌హి.వి.రాఘ‌వ ద‌ర్శ‌క‌త్వం వ‌హించిన ఆ చిత్రం మంచి విజ‌యాన్ని సాధించింది. దానిపై పొలిటిక‌ల్ ముద్ర ఉన్నా స‌రే – జ‌ర్వ ప్రేక్ష‌కుల ఆమోదం పొందింది. వై.ఎస్‌.ఆర్ పార్టీకి ఆ సినిమా ఎంతో కొంత హెల్ప్ చేసింది. ఇప్పుడు ‘యాత్ర 2’కి శ్రీ‌కారం చుట్ట‌బోతున్నారు. ఇది… వై.ఎస్‌.జ‌గ‌న్ సినిమా. 2024 ఎన్నిక‌ల‌కు ఉప‌యోగ‌ప‌డేలా ఈ చిత్రాన్ని రూపొందిస్తున్నారు. ఇప్ప‌టికే స్క్రిప్టు ప‌నులు పూర్త‌య్యాయి. ఈ చిత్రాన్ని యూవీ క్రియేష‌న్స్ నిర్మిస్తున్న‌ట్టు తెలుస్తోంది. జ‌గ‌న్ పాత్ర కోసం ప్ర‌స్తుతం ఓ స్టార్ న‌టుడు కావాలి. అత‌ని కోస‌మే అన్వేష‌ణ జ‌రుగుతోంది. ఆ న‌టుడెవ‌రో తేలిపోతే… ఈ సినిమా ప‌ట్టాలెక్కేస్తోంది. ‘యాత్ర‌’లో మ‌మ్ముట్టి కీల‌క పాత్ర పోషించారు. ఆయ‌న మిన‌హా.. మిగిలిన న‌టీన‌టులు కొత్త‌వాళ్లే. అయితే ఈసారి.. స్టార్ బ‌లం, బ‌ల‌గం ఎక్కువ‌గా ఉండేలా జాగ్ర‌త్త‌లు తీసుకొంటున్నారు. యూవీ క్రియేష‌న్స్ కూడా ఖ‌ర్చుకి వెనుకంజ వేయ‌దు కాబ‌ట్టి.. ఈ సినిమాలో స్టార్ల‌కు కొద‌వ ఉండ‌దు. కాక‌పోతే.. ఈ సినిమాపై వైకాపా ముద్ర ఉంటుంది. వాళ్ల పార్టీ ప్ర‌చారం కోస‌మే ఈ సినిమా. దాన్ని యూవీ నెత్తిమీద వేసుకొంటే.. ఈ బ్యాన‌ర్‌పై కూడా ఆ ముద్ర ప‌డే అవ‌కాశం ఉంటుంది. దాన్ని యూవీ, ఆ సంస్థ‌లో కీల‌క భాగ‌స్వామి అయిన ప్ర‌భాస్‌.. ఎలా హ్యాండిల్ చేస్తారో..?