‘విరూపాక్ష’ తో మంచి విజయం అందుకున్నాడు సాయి ధరమ్ తేజ్. ప్రమాదం నుంచి బయటపడిన తర్వాత సాయి కెరీర్ కి మంచి బూస్ట్ ఇచ్చింది ఈ సినిమా విజయం. ప్రస్తుతం మాస్ కథలపై ద్రుష్టి పెట్టాడు తేజ్. సంపత్ నంది దర్శకత్వంలో ఓ సినిమా చేయబోతున్నాడు. ఇది మాస్ కమర్షియల్ కథ. మాస్ కథలు తయారూచేయడంలో సంపత్ నందికి మంచి పట్టువుంది.
‘సీటీమార్’ తర్వాత సంపత్ నంది దర్శకత్వంలో మరో సినిమా రాలేదు. ఇప్పుడు తేజ్ తో సినిమా సెట్స్ పై వెళ్ళడానికి రెడీ అవుతోంది. ఈ చిత్రానికి టైటిల్ కూడా అనుకున్నారు. అదే ‘గాంజా శంకర్’. దాదాపు ఇదే టైటిల్ ఫైనల్ అయ్యే అవకాశం వుంది. ఈ టైటిల్ తేజ్ కి సెంటిమెంట్. శంకర్.. మావయ్య చిరంజీవి పేరు. ఆ పేరుతో వచ్చిన శంకర్ దాదా సినిమా సూపర్ హిట్. అన్ని రకాలుగా ఈ పేరు తనకి కలిసొస్తుందని తేజ్ భావిస్తున్నాడు. త్వరలోనే దీనిపై అధికారిక ప్రకటన చేస్తారు.
