పిల్ల జ‌మిందార్‌, భాగ‌మ‌తి చిత్రాల‌తో ఆక‌ట్టుకొన్న ద‌ర్శ‌కుడు… అశోక్‌. ఇప్పుడు హ‌వీష్ తో ‘ఎస్‌..బాస్‌’ రూపొందిస్తున్నాడు. ఈ సినిమా పూర్త‌య్యింది. పోస్ట్ ప్రొడ‌క్ష‌న్ ప‌నులు జ‌రుగుతున్నాయి. ఈలోగా హ‌వీష్‌తోనే మ‌రో సినిమా కూడా ప్ర‌క‌టించేశారు. దీనికి `ఛూమంత‌ర్ కాళీ` అనే వెరైటీ టైటిల్ పెట్టారు. ఈ రోజు హ‌వీష్ పుట్టిన రోజు సంద‌ర్భంగా ఫ‌స్ట్ లుక్ కూడా విడుద‌ల చేశారు. ‘వినాశ‌కాలే విప‌రీత బుద్ది’ అనే ట్యాగ్ లైన్ ఉంది. కౌ బోయ్‌, డికెక్టీవ్ త‌ర‌హా గెట‌ప్పులో హ‌వీష్ క‌నిపిస్తున్నాడు. పోస్ట‌ర్, టైటిల్ చూస్తుంటే ఇదేదో వెరైటీ థ్రిల్ల‌ర్ అనిపిస్తోంది. అశోక్ థ్రిల్ల‌ర్ జోన‌ర్స్‌ని బాగానే హ్యాండిల్ చేయ‌గ‌ల‌డు. భాగ‌మ‌తి అలాంటి సినిమానే. ఈ జ‌న‌రేష‌న్‌లో వ‌చ్చిన మంచి థ్రిల్ల‌ర్స్‌లో భాగ‌మ‌తి కూడా ఒక‌టి. మంచి ట్విస్టులు, ట‌ర్న్‌ల‌తో.. ఆ సినిమాని బాగా న‌డిపాడు. ‘ఛూమంతర్ కాళీ..’లో కూడా ఆ ల‌క్ష‌ణాలు క‌నిపిస్తున్నాయి. భాగ‌మ‌తి త‌ర‌వాత మంచి హిట్టు కోసం ఎదురు చూస్తున్న ఆశోక్‌.. ఈసారి ఏం చేస్తాడో చూడాలి.