ప్రభాస్ – మారుతి కాంబినేష‌న్‌లో ఓ చిత్రం రూపుదిద్దుకొంటున్న సంగతి తెలిసిందే. ప్రభాస్ బిజీ షెడ్యూళ్ల మ‌ధ్య.. ఈ సినిమానీ కొంచెం కొంచెం పూర్తి చేస్తున్నాడు. అయితే టైటిలేం ఖ‌రారు కాలేదు. మ‌ధ్య‌లో బోలెడు పేర్లు బ‌య‌ట‌కు వచ్చాయి. రాజా డీల‌క్స్ పేరు ఒక‌ప్పుడు గ‌ట్టిగా వినిపించింది. ఆ టైటిల్ కీ మా క‌థ‌కీ సంబంధం లేదు అని మారుతి గ‌ట్టిగా చెప్పేశాడు. ఆ త‌ర‌వాత.. కొత్త కొత్త పేర్లు బ‌య‌ట‌కు రావ‌డం మొద‌ల‌య్యాయి.
ఈ సినిమా కోసం రాయ‌ల్‌, రాజాసాబ్‌, అంబాసిడర్ అనే పేర్లు రిజిస్ట‌ర్ చేయించారు. పీపుల్స్ మీడియా ఫ్యాక్ట‌రీ పేరు మీద ఈ టైటిళ్లు రిజిస్ట‌ర్ అయ్యాయి. దాంతో… ప్రభాస్ సినిమాకి వీటిలో ఒక పేరు ఖ‌రారు చేస్తార‌ని ప్ర‌చారం జ‌రుగుతోంది. అయితే.. ఈ టైటిల్స్ కూడా చిత్ర‌బృందం ప‌రిగ‌ణ‌లోనికి తీసుకోవ‌డం లేదు. ప్రభాస్ క‌టౌట్‌కి రాయ‌ల్‌, రాజా సాబ్ పేర్లు బాగుంటాయి. కాక‌పోతే వీటికంటే మంచి పేరు అన్వేషించే ప‌నిలో ఉన్నాడు మారుతి. ఆగ‌స్టు నుంచి కొత్త షెడ్యూల్ మొద‌లు కానుంది. ప్రాజెక్ట్ కెతో స‌మాంత‌రంగా ఈ సినిమాని పూర్తి చేయాల‌న్న‌ది ప్రభాస్ ప్లాన్‌.
