కుర్ర హీరోల్లో జోష్ ఫుల్ గా సినిమాలను తీస్తూ సినిమా సినిమాకు తనలో ఉన్న టాలెంట్ తో ప్రేక్షకులను ఇంప్రెస్ చేస్తున్న హీరో నాగశౌర్య. ప్రస్తుతం మార్చ్ 5న కళ్యాణ వైభోగమే సినిమాతో రాబోతున్న నాగశౌర్య తన తర్వాత ఓ ఇంట్రెస్టింగ్ పాత్రలో నటిస్తున్నాడట. ప్రస్తుతం ట్రెండ్ కొనసాగిస్తున్న విలన్ రోల్స్ మీద నాగశౌర్య కన్ను కూడా పడ్డది. కిరణ్ అనే నూతన దర్శకుడితో తన తర్వాత సినిమా చేస్తున్న నాగశౌర్య సినిమలో హీరోగా విలన్ గా రెండు పాత్రల్లో నటిస్తున్నాడట.

ఊహలు గుసగుసలాడే సినిమాతో హీరోగా పరిచయమైన ఈ యువ కెరటం మినిమం గ్యారెంటీ హీరో అనిపించుకున్నాడు. ప్రస్తుతం పరిశ్రమలో ఉన్న ఈ పోటీలో నెగ్గుకు రావాలంటే ప్రతి ఒక్కరు తమ బెస్ట్ అవుట్ పుట్ ఇస్తూనే సరికొత్త కథాంశాలతో ఆడియెన్స్ ని ఆకట్టుకోవాలి. ఆ ప్రయత్నంలోనే నాగశౌర్య ప్రతి సినిమాలో తన పాత్ర ఎంతో విలక్షణతో ముందుకు దూసుకెళ్తున్నాడు. ప్రస్తుతం కళ్యాణ వైభోగమే రిలీజ్ అవుతుండగా, మెగా బ్రదర్ తనయురాలు నిహారికతో చేస్తున్న ఒక మనసు సినిమా కూడా ఈ సమ్మర్ లో రిలీజ్ కు రెడీ అవుతుంది.

చూస్తుంటే కుర్ర హీరోల్లో రాజ్ తరుణ్ కంటే నాగశౌర్యనే మరింత క్రేజీ ప్రాజెక్ట్స్ కైవసం చేసుకున్నాడని తెలుస్తుంది. వరుసెంట సినిమాలు చేస్తున్న నాగశౌర్య అన్ని సూపర్ సక్సెస్ లను అందుకుని త్వరలోనే స్టార్ ఇమేజ్ ను దక్కించుకోవాలని కోరుకుందాం.