‘ఆర్‌.ఎక్స్ 100’లో ఓ బోల్డ్ ల‌వ్ స్టోరీ చెప్పాడు అజ‌య్ భూప‌తి. క‌ట్ చేస్తే… మ‌హా స‌ముద్రం మ‌రో టైపు క‌థ‌. మ‌హా స‌ముద్రం ఫ్లాప్ కావొచ్చు. కానీ అక్క‌డా కొత్త‌గానే ప్ర‌య‌త్నించాడు అజ‌య్ భూప‌తి. ఇప్పుడు ‘మంగ‌ళ‌వారం’ వంతు వ‌చ్చింది. పాయ‌ల్ రాజ్ పుత్ ప్ర‌ధాన పాత్ర పోషించిన చిత్ర‌మిది. టైటిల్ కి త‌గ్గ‌ట్టుగా మంగ‌ళ‌వారం టైటిల్ అనౌన్స్ చేశారు. మంగ‌ళ‌వార‌మే ఫ‌స్ట్ లుక్ విడుద‌ల చేశారు. ఇప్పుడు మ‌ళ్లీ మంగ‌ళ‌వార‌మే టీజ‌ర్ వ‌దిలారు.

టీజ‌ర్ చూస్తే.. ఇదో హార‌ర్‌, థ్రిల్ల‌ర్ చిత్ర‌మని అర్థ‌మ‌వుతోంది. మేకింగ్, లైటింగ్‌, టేకింగ్.. అన్నీ… ప‌ర్‌ఫెక్ట్ థ్రిల్ల‌ర్ వాతావ‌ర‌ణాన్ని క్రియేట్ చేశాయి. ఆర్‌.ఆర్‌.. మ‌రింత ఎఫెక్టీవ్‌గా ఉంది. విరూపాక్ష లాంటి సినిమాలు విజ‌య‌వంత‌మ‌వ్వ‌డంతో – ఈ జోన‌ర్ కి మ‌రింత డిమాండ్ ఏర్ప‌డింది. అజ‌య్ భూప‌తి అదే జోన‌ర్ ట‌చ్ చేసిన‌ట్టు అనిపిస్తోంది. టీజ‌ర్‌లోని క‌ట్స్ చూస్తే థ్రిల్లింగ్ మూమెంట్స్ చాలానే ఉన్న‌ట్టు క‌నిపిస్తోంది. హార‌ర్‌కి తోడుగా, దైవాంశ‌కి సంబంధించిన ఎలిమెంట్స్‌కూడా ఉన్నాయి. అజ‌య్ భూప‌తికి ఇది కొత్త జోన‌రే. టీజ‌ర్ అయితే ప్రామిసింగ్ గా ఉంది. ‘ఆర్‌.ఎక్స్ 100’ స‌మ‌యంలో ఆ సిన‌మాపై గానీ, అజ‌య్ భూప‌తిపైగానీ ఎలాంటి అంచ‌నాలూ లేవు. కానీ ఆ సినిమా సూప‌ర్ హిట్ట‌య్యింది. మ‌హా స‌ముద్రం ఫ్లాప్‌తో ఈసారి కూడా అలాంటి వాతావ‌ర‌ణ‌మే ఉంది. మ‌రి.. ఇప్పుడు కూడా అజ‌య్ అదే మ్యాజిక్ రిపీట్ చేస్తాడా..?