మాజీ మంత్రి వైఎస్ వివేకానందరెడ్డి హత్యకు వైసీపీ ఎంపీ అవినాశ్ రెడ్డి, ఆయన తండ్రి భాస్కర్ రెడ్డిలు కుట్ర చేశారని సీబీఐ తెలిపింది. ఈ మేరకు సీబీఐ కోర్టుకు సమర్పించిన చార్జిషీట్లో పేర్కొంది. కుట్ర, హత్య సాక్ష్యాల చెరిపివేతను కోర్టుకు వివరించింది. ఇటీవల సీబీఐ దాఖలు చేసిన చార్జిషీటును కోర్టు పరిగణనలోకి తీసుకుంది. లగూగుల్ టేక్ అవుట్, ఫోన్ల లొకేషన్ డేటాలు, ఫొటోలను కోర్టుకు సమర్పించింది. వివేకా హత్య కేసు దర్యాప్తు కొనసాగుతోందని చెప్పింది. వివేకా పీఏ కృష్ణారెడ్డిపై అనుమానాలు ఉన్నప్పటికీ తగిన ఆధారాలు లభించలేదని తెలిపింది.

సాక్ష్యాల చెరిపివేత సమయంలో అక్కడ మనోహర్ రెడ్డి ఉన్నప్పటికీ ఆయన ప్రమేయంపై నిర్ధారణ కాలేదని చెప్పింది. వివేకా ఇంట్లో వైఫై రూటర్లకు కనెక్ట్ అయిన వారి వివరాలు సేకరిస్తున్నామని వివరాలు ఇవ్వాలని అధికారులను కోరామని తెలిపింది. వివేకా రాసిన లేఖపై నిన్ హైడ్రిన్ పరీక్ష నివేదిక రావాలని చెప్పింది. పలు మొబైల్ ఫోన్ల ఫోరెన్సిక్ రిపోర్టులు త్రివేండ్రం సీడాక్ నుంచి రావాల్సి ఉందని తెలిపింది. విచార‌ణ ప‌లు ద‌శ‌ల‌లో కొన‌సాగుతున్న‌ద‌ని వివ‌రించింది.

ఈ కేసులో షర్మిల ఇచ్చిన సాక్ష్యం కూడా చార్జిషీటుతో పాటు వెలుగులోకి వచ్చింది. షర్మిలను 259వ సాక్షిగా పేర్కొంటూ సీబీఐ కోర్టుకు దర్యాప్తు సంస్థ వాంగ్మూలం సమర్పించింది. తన వద్ద ఆధారాల్లేవు కానీ రాజకీయ కారణాలతోనే ఈ హత్య జరిగిందని షర్మిల తేల్చారు. హత్యకు కుటుంబ, ఆర్థిక వ్యవహారాలు కారణాలు కాదు.. పెద్ద కారణం ఉంది. అవినాష్‌ కుటుంబానికి వ్యతిరేకంగా వివేకా నిలబడటమే కారణం కావొచ్చు. వారికి అడ్డొస్తున్నారని మనసులో పెట్టుకోవచ్చునని తెలిపారు. అవినాష్‌కి టికెట్‌ ఇవ్వకుండా ఎలాగైనా జగన్‌ను ఒప్పిద్దామన్నారని ..తనను ఎంపీగా నిలబెట్టేందుకు పదేపదే ఒత్తిడి చేయడంతో సరే అన్నానన్నారు. ఇంకా పలు విషయాలను షర్మిల చెప్పారు. ఆమె సాక్ష్యంలో అవినాష్ రెడ్డి, భాస్కర్ రెడ్డిల చుట్టే అనుమానాలు వ్యక్తమయ్యాయి.

అాలాగే భారతి పీఏ నవీన్, జగన్ రెడ్డి పీఏ కృష్ణమోహన్ రెడ్డి, అజయ్ కల్లాం, ఉమ్మారెడ్డి వంటి వారిని ప్రశ్నించి .. నమోదు చేసిన స్టేట్ మెంట్లను కూడా సాక్ష్యాలుగా కోర్టుకు సీబీఐ సమర్పించింది.