కృష్ణవంశీ దగ్గర దర్శకత్వ పాఠాలు నేర్చుకుని దర్శకురాలిగా ‘అలా మొదలైంది’ సినిమాతో మంచి హిట్ అందుకుని మహిళా దర్శకురాలిగా సంచలనం సృష్టించిన దర్శకురాలు నందిని రెడ్డి మొదటి సినిమాతో మంచి పాపులారిటీని సంపాధించింది. అయితే ఆ సినిమా హిట్ ఇచ్చిన కిక్ తో రెండో సినిమా సమంత, సిద్ధార్థ్ లాంటి మంచి స్టార్ కాస్ట్ తో జబర్దస్త్ అంటూ రెండో ప్రయత్నం చేసింది.
బాలీవుడ్ బ్యాండ్ బాజా భారత్ సినిమా మక్కీకి మక్కీకి దించిందని నందిని రెడ్డి మీద విభిన్న ఆరోపణలు చేశారు సినిమా వాళ్లు. ఇక ఆ చిరాకులో కొద్దికాలం పాటు గ్యాప్ తీసుకుని మళ్లీ కళ్యాణ వైభోగమే అంటూ ప్రేక్షకుల ముందుకు వస్తుంది నందిని రెడ్డి. ఈరోజు రిలీజ్ అవుతున్న కళ్యాణ వైభోగమే నందిని రెడ్డి భవితవ్యాన్ని తేల్చనుంది.
నాగ శౌర్య, మాళవికా నాయర్ జంటగా నటించిన ఈ సినిమాను రంజిత్ మూవీస్ బ్యానర్ లో కె.ఎల్ దామోదర్ ప్రసాద్ నిర్మించారు. సినిమాకు కల్యాణి మాలిక్ సంగీతం అందించారు మరి కళ్యాణ వైభోగమే అంటూ మూడో ప్రయత్నంగా వస్తున్న నందిని రెడ్డికి గెలుపు వరించేనా లేదా అన్నది మరి కొద్ది గంటల్లో తెలిసిపోతుంది.
