మంచు విష్ణు `క‌న్న‌ప్ప‌`లో ప్ర‌భాస్ న‌టిస్తున్నాడ‌న్న వార్త నిజంగా షాకింగే. ముఖ్యంగా ప్ర‌భాస్ ఫ్యాన్స్‌కు. ఇప్పుడున్న ప‌రిస్థితుల్లో విష్ణు సినిమాలో ప్ర‌భాస్ గెస్ట్ రోల్ చేయ‌డం అవ‌స‌ర‌మా? అంటూ వాళ్లు సైతం ఆశ్చ‌ర్యం వ్య‌క్తం చేస్తున్నారు. నిజానికి ప్ర‌భాస్ కి ఈ సినిమా ఓకే చేయాల్సిన ప‌నే లేదు. కాక‌పోతే… `క‌న్న‌ప్ప‌` విష‌యంలో ప్ర‌భాస్ సెంటిమెంట్ గా లాక్ అయిపోయి ఉంటాడు.

ఎందుకంటే `క‌న్న‌ప్ప‌` పెద‌నాన్న‌ కృష్ణంరాజు క‌ల‌. ప్ర‌భాస్ తో ఈ సినిమా చేయాల‌ని, త‌ను ద‌ర్శ‌క‌త్వం వ‌హించాల‌ని ఆయ‌న ఆశ ప‌డ్డారు. అందుకోసం స్క్రిప్టు కూడా రాయించారు. అయితే… కృష్ణంరాజు ఆరోగ్యం స‌హ‌క‌రించ‌లేదు. అలా.. ఆయ‌న కోరిక నెర‌వేర‌లేదు. అదే స్క్రిప్టు విష్ణు చేతికి చేరింది. కేవ‌లం పెద‌నాన్న డ్రీమ్ ప్రాజెక్ట్ అనే ఒకే ఒక్క క‌న్న‌ర్న్ తో ప్ర‌భాస్ ఈ సినిమాని ఓకే చేసి ఉంటాడు. పైగా… ప్ర‌భాస్ ది ఇందులో గెస్ట్ లోరే. ఆయ‌న శివుడిగా క‌నిపించ‌బోతున్నాడు. ఒక్క‌రోజు షూటింగ్ కి వెళ్లినా, ప్ర‌భాస్ పార్ట్ పూర్త‌వుతుంది. అందుకే.. ప్ర‌భాస్ ఓకే చేసి ఉండొచ్చు. ప్ర‌భాస్ మాత్ర‌మే కాదు.. టాలీవుడ్, బాలీవుడ్‌ల‌లో కొంతమంది ప్ర‌ముఖ హీరోలు ఈ చిత్రంలో అతిథి పాత్ర‌ల్లో క‌నిపించ‌బోతున్నారు.