అపజయాలు హీరోలు, దర్శకులకే కాదు.. నిర్మాతల ఇమేజ్ కూడా మసకబారేలా చేస్తాయి. అనిల్ సుంకర కూడా ఇప్పుడు ఇలాంటి పరిస్థితిలోనే వున్నారు. భారీ సినిమాలు తీసిన నిర్మాత అనిల్ సుంకర. దూకుడు లాంటి ఇండస్ట్రీ హిట్లు ఇచ్చిన నిర్మాత. ఐతే ఇప్పుడు ఆయనకు వరుస అపజయాలు చుట్టుముట్టాయి. రాజేష్ దండాతో కలసి చిన్న సినిమా సామజవరగమనా హిట్ వచ్చినా అది అనిల్ సుంకర లీగ్ కాదు. ఆయన లీగ్ సినిమాలైన ఏజంట్, భోళా శంకర్ డిజాస్టర్స్ అయ్యాయి.
ఇప్పుడు అనిల్ సుంకర ఏం చేయాలో, ఎలాంటి ప్రాజెక్ట్ ని చేపట్టాలనే డైలామాలో వున్నారు. ఇలాంటి సమయంలో ఆయనకు మహేష్ బాబు నుంచి పిలుపు వచ్చింది. మంచి కథ వుంటే చూడండి, సినిమా చేద్దామని చెప్పారట మహేష్. ఇలా నిరాశలో వున్న అనిల్ కి మహేష్ నుంచి వచ్చిన ఈ మాట మంచి ఉత్సాహాన్ని ఇచ్చింది. మహేష్, అనిల్ లది మంచి కాంబినేషన్. దూకుడు, ఆగడు, సరిలేరు నీకెవ్వరు చిత్రాలు చేశారు. ఇప్పుడు మంచి కథ కుదిరితే మళ్ళీ ఈ కాంబినేషన్ సెట్ అయ్యే అవకాశాలు పుష్కలంగా వున్నాయి.
