బాలీవుడ్ ప్రేక్షకులు ఇప్పుడు ఎలివేషన్స్ కోరుకుంటున్నారు. సరిగ్గా అలాంటి ఓ కథని రాసుకొని షారుక్ ఖాన్ ని ‘జవాన్’ గా చూపించాడు అట్లీ. ఇప్పుడు జవాన్ రికార్డ్ కలెక్షన్స్ చేస్తోంది. ఇప్పుడు అట్లీ ఇంకాస్త పెద్దగా ఆలోచిస్తున్నాడు. జవాన్ తో బాలీవుడ్ ప్రేక్షలని ఆకట్టుకున్న అట్లీ ఇప్పుడు బాలీవుడ్, కోలీవుడ్ ని కలిపి ఓ భారీ సినిమాకి స్కెచ్ వేస్తున్నాడు.
‘జవాన్’ షూటింగ్ జరుగుతున్నపుడు ఇందులో విజయ్ ఓ గెస్ట్ రోల్ చేస్తారని ప్రచారం జరిగింది. ఐతే అది రూమర్ గానే మిగిలిపోయింది. తాజాగా ఈ రూమర్ పై స్పందించాడు అట్లీ. విజయ్ నాకు బ్రదర్ లాంటి వారు. కలిసి మూడు సినిమాలు చేశాం. గెస్ట్ రోల్ కాదు.. షారుక్, విజయ్ .. ఈ ఇద్దరి కోసం ఓ కథని అలోచిస్తున్నాను. అలాంటి కథ కుదిరినప్పుడు ఇద్దరితో కలిపి సినిమా చేస్తానని చెప్పుకొచ్చాడు అట్లీ. అంతేకాదు..ఈ ఇద్దరూ కలిస్తే బాక్సాఫీసు 1500 కోట్లుకు దాటేస్తుందని అంచనా వేశాడు. మొత్తానికి అట్లీకి పెద్ద ప్లాన్సే వున్నాయి.
