విడుదలకు ముందు చాలా బజ్ క్రియేట్ చేసింది ఖుషి. పాటలు సూపర్ హిట్ అయ్యాయి. కంటెంట్ కూడా చాలా కొత్తగా ఉందనే ఫీలింగ్ కలిగించింది. సినిమా విడుదలైన తర్వాత కూడా హిట్ టాకే వచ్చింది. అయితే ఈ విజయం దర్శకుడు శివ నిర్వాణని బిగ్ లీగ్ లో చేర్చేలా మాత్రం అనిపించలేదు. వారానికి మించి ఖుషి హవా కొనసాగలేదు.
‘ఖుషి’ పై చాలా నమ్మకాలు పెట్టుకున్నాడు శివ నిర్వాణ. సినిమా విజయం సాధించింది కానీ ఓ పెద్ద స్టార్ హీరో పిలిచి అవకాశం ఇచ్చే విజయం అయితే కాదిది. ఈ సినిమా తర్వాత రామ్ చరణ్ కి ఓ కథ చెప్పాలనుకున్నాడు శివ. ఐతే రామ్ చరణ్ నుంచి ఆశించిన రెస్పాన్స్ రాలేదు. దీంతో ఇప్పుడు మళ్ళీ మీడియం రేంజ్ హీరోల పై ద్రుష్టి పెట్టాడు. నితిన్, శర్వానంద్, వరుణ్ తేజ్, సాయి ధరమ్ తేజ్ .. లాంటి హీరోలకు టచ్ లోకి వెళ్ళారు. ఇప్పుడు మరోసారి తన మార్క్ లో ఓ ఫ్యామిలీ ఎంటర్ టైనర్ చేయాలనే ప్రయత్నాల్లో వున్నారు శివ నిర్వాణ.
