పవర్ స్టార్ పవన్ కళ్యాన్ తీసుకుంటున్న నిర్ణయాలతో మెగా ఫ్యాన్స్ ఫుల్ ఖుషీగా ఉన్నారు. ఇనాళ్లు దూరం దూరం అంటూ జరుక్కుంటూ వెళ్లిన పవన్ కళ్యాణ్ ఇప్పుడు దగ్గరయ్యే ఏ సందర్భాన్ని వదలట్లేదు. ప్రస్తుతం నటిస్తున్న సర్దార్ గబ్బర్ సింగ్ సినిమా ఆడియోకి అన్నయ్యను పిలిచి మేం కలిసి ఉన్నాం అని చాటింపేయడానికి రెడీ అయిన పవన్ ఇక సినిమాలో అన్నయ్య క్రేజ్ ను పెంచేందుకు మెగాస్టార్ పాటను రీమిక్స్ చేస్తున్నట్టు తెలుస్తుంది.
అధికారికంగా బయటకు రాకపోయినా పవర్ స్టార్ సర్దార్ గబ్బర్ సింగ్ సినిమాలో మెగాస్టార్ నటించిన కొండవీటి దొంగలోని ‘కోక బాగుందా’ సాంగ్ రీమిక్స్ చేసి పవర్ స్టార్ స్టెప్స్ వేయనున్నట్టు తెలుస్తుంది. ఇప్పటికే మెగాస్టార్ సాంగ్స్ రీమేక్ చేస్తున్న సాయి ధరం తేజ్, రామ్ చరణ్ లాంటి మెగా హీరోల సరసన పవర్ స్టార్ కూడా చేరాడని తెలుస్తుంది. అంతేకాదు సర్దార్ లో కూడా మెగాస్టార్ ఓ గెస్ట్ రోల్ చేసే అవకాశం కూడా ఉంటుంది అంటున్నారు. మరి వినిపిస్తున్న ఈ వార్తలు నిజమేనా కాదా అన్నది పక్కన పెడితే మెగా ఫ్యాన్స్ మాత్రం ఇవన్ని జరిగినట్టుగానే ఊహించేసుకుంటున్నారు.
