శ్రీ‌లీల గురించి ఎవ‌రు మాట్లాడుకొన్నా.. త‌న డాన్సుల గురించి త‌ప్ప‌కుండా టాపిక్ వ‌స్తుంది. ఇండ‌స్ట్రీలో ఉన్న హీరోయిన్ల‌లో శ్రీ‌లీల బెస్ట్ డాన్స‌ర్‌. ఇందులో మ‌రో మాటే లేదు. ద‌ర్శ‌కులు కూడా శ్రీ‌లీల డాన్సింగ్ స్టైల్ ని క్యాప్చ‌ర్ చేయ‌డానికి ఎక్కువ‌గా ప్ర‌య‌త్నిస్తున్నారు. నితిన్ కొత్త సినిమా ఎక్ట్సా – ఆర్డ‌న‌రీ మేన్‌లో కూడా ఇదే జ‌రిగింది. నితిన్‌, శ్రీ‌లీల జంట‌గా న‌టించిన సినిమా ఇది. వ‌చ్చే వారం విడుద‌ల అవుతోంది. ఈ సినిమా నుంచి ‘ప‌లాస పాపాయి’ అనే పాట‌ని విడుద‌ల చేశారు. ఇందులో నితిన్, శ్రీ‌లీల డాన్సుల‌తో, సిగ్నేచ‌ర్ స్టెప్పుల‌తో అద‌ర‌గొట్టారు. నితిన్ కూడా మంచి డాన్స‌రే. అందుకే శ్రీ‌లీల‌తో త‌న డాన్సింగ్ కెమిస్ట్రీ బాగా కుదిరింది.

సంగీత ద‌ర్శ‌కుడు హారీశ్ జైరాజ్ సాధార‌ణంగా మెలోడీ ట్యూన్లే ఇస్తుంటాడు. త‌న నుంచి ఇలాంటి మాసీ పాట రావ‌డం కొత్త‌గా అనిపించింది. ట్యూన్ సంగ‌తి ఎలా ఉన్నా, క‌ల‌ర్ ఫుల్ పిక్చ‌రైజేష‌న్‌, మంచి బీట్‌, స్టెప్పుల‌తో హుషారుగా సాగిపోయింది. `ఎక్ట్సా` క్లైమాక్స్‌కి ముందొచ్చే పాట ఇది. యాక్ష‌న్ మూడ్‌లోకి ప్రేక్ష‌కులు వెళ్ల‌డానికి ఈ పాట మంచి టేకాఫ్ గా ఉంటుంద‌ని చిత్ర‌బృందం భావిస్తోంది.