కాంగ్రెస్ సీఎల్పీ నేతగా రేవంత్ రెడ్డిని పార్టీ హైకమాండ్ ఖరారు చేసింది. అధికారిక ప్రకటన మాత్రం ఇవాళో.. రేపో చేసే అవకాశం ఉంది. 64 మంది ఎమ్మెల్యేలలో 50 మంది రేవంత్ వైపే నిలిచారు. అయితే తాము పార్టీకి కష్ట కాలంలో అండగా ఉన్నామని విజయంలో తమ కృషి కూడా ఉందని భట్టి విక్రమార్క్, ఉత్తంకుమార్ రెడ్డి, కోమటిరెడ్డి వెంకటరెడ్డి పరిశీలకుల దృష్టికి తీసుకెళ్లారు. తమ పేర్లను పరిశీలించాలని కోరారు. అయితే రేవంత్, భట్టిల మధ్యనే పరిశీలకు… అభిప్రాయసేకరణ జరిపారు. రేవంత్ కు 50 మంది ఎమ్మెల్యేల మద్దతు ఉండటంతో ఆ నివేదికను హైకమాండ్ కు పంపారు.

సీఎం ఎంపికతో పాటు మంత్రుల పైనా పరిశీలన జరిపారు. భట్టి విక్రమార్కకు డిప్యూటీ సీఎంను ఖరారు చేశారు. సీతక్కను కూడా డిప్యూటీ సీఎంను చేయాలని రేవంత్ రెడ్డి అడిగినట్లుగా తెలుస్తోంది. అలా అయితే డిప్యూటీ సీఎంకు విలువ ఉండదని ఒక్కరే డిప్యూటీ సీఎంగా ఉండాలని భట్టి విక్రమార్క అన్నట్లుగా చెబుతున్నారు. కోమటిరెడ్డి, ఉత్తంకుమార్ రెడ్డిలు ఇద్దరికీ మంత్రి పదవులు కష్టం కాబట్టి… .ఏం చేయాలని వారినే పరిశీలకులు అడిగారు. తనకు కాకపోతే తన భార్య పద్మావతికి మహిళా కోటాలో మంత్రి పదవి ఇవ్వాలని ఉత్తమ్ కుమార్ రెడ్డి కోరారు.

పాత అసెంబ్లీ రద్దయిపోయింది. కొత్త అసెంబ్లీని ఏర్పాటు చేశారు. ఇక ప్రమాణస్వీకారమే మిగిలింది. రాజ్ భవన్ లో ఏర్పాట్లు కూడా చేశా రు. అయితే హైకమాండ్ నుంచి గ్రీన్ సిగ్నల్ రాకపోవడంతో ప్రమాణస్వీకారం వాయిదా పడింది. .ఐదు, ఆరు తేదీల్లో మంచి రోజులు లేకపోవడంతో ఏడో తేదీనప్రమాణం ఉంటుందని చెబుతున్నారు. కాంగ్రెస్ రాజకీయాలపై స్పష్టత ఉన్న వారికి.. … నాయకత్వంపై స్పష్టత ఇవ్వకుండా… నష్టం చేసుకుంటున్నారని ఇది ఆ పార్టీకి అలవాటేనని సెటైర్లు వేస్తున్నారు.