వ‌రుస హిట్ల‌తో బాల‌కృష్ణ ఫుల్ ఫామ్ లోకి వ‌చ్చేశాడు. వీర సింహారెడ్డి, భ‌గ‌వంత్ కేస‌రి చిత్రాలు బాల‌య్య అభిమానుల్నే కాదు, స‌గ‌టు ప్రేక్ష‌కుల్నీ అల‌రించాయి. ఇప్పుడు అంద‌రి దృష్టీ బాల‌య్య – బాబీ కాంబోపైనే. బాబీ కూడా `వాల్తేరు వీర‌య్య‌`తో త‌న స‌త్తా చాటాడు. ఇప్పుడు బాల‌య్య‌ని ఫుల్ మాసీ రోల్ లో చూపించే ప్ర‌య‌త్నంలో ఉన్నాడు. ఈ సినిమాని బాల‌య్య అభిమానుల‌కు ఓ ట్రీట్ లా ఇవ్వాల‌న్న‌ది బాబీ ప్ర‌య‌త్నం. అందుకే అన్ని ర‌కాల జాగ్ర‌త్త‌లూ తీసుకొంటున్నాడు. ఇప్ప‌టికే ఈ సినిమాలో ముగ్గురు హీరోయిన్లు ఉన్న‌ట్టు ప్ర‌చారం జ‌రుగుతోంది. ఊర్వ‌శీ రౌటాలా ఆల్రెడీ చిత్రీక‌ర‌ణ‌లో పాల్గొంది. మీనాక్షి చౌద‌రి కూడా దాదాపుగా ఖ‌రారైంది. మూడో క‌థానాయిక ఎవ‌ర‌న్న‌ది తేలాల్సివుంది.

ఇప్పుడు మ‌రో హీరోయిన్ కూడా ఈ లిస్టులో చేరిన‌ట్టు టాక్‌. త‌నే త‌మ‌న్నా. ఈ సినిమాలో త‌మ‌న్నాతో ఓ ఐటెమ్ సాంగ్ చేయించాల‌ని బాబీ భావిస్తున్నాడు. బాల‌య్య – త‌మ‌న్నా కాంబో ఇప్ప‌టి వ‌ర‌కూ సెట్ కాలేదు. ఈ సినిమాతో.. ఈ జోడీని తెర‌పై చూసే అవ‌కాశం ద‌క్క‌బోతోంది. త‌మ‌న్నా ఐటెమ్ గీతాల స్పెష‌లిస్టు. ఈ యేడాది జైల‌ర్ లో తాను చేసిన ఐటెమ్ గీతం బాంబులా పేలిన సంగ‌తి తెలిసిందే. మ‌రి బాల‌య్య‌తో త‌న జోడీ ఎలా ఉంటుందో?