ఆయన్ని ఎంపీ అభ్యర్థిని చేస్తారా.. ?. అయన ఎన్ని ఘన కార్యాలు చేశాడో చూడండి అని.. ఓ నేత గురించి జగన్ రెడ్డికి పిర్యాదులు పంపారు వైసీపీ అభ్యర్థులు. జగన్ రెడ్డి వాటిని చూసి.. ఇన్ని చేశాడా అని ఆశ్చర్యపోయారని చెబుతున్నారు. కానీ వైసీపీ అధినేత జగన్ రెడ్డి మనస్థత్వం తెలిసిన ఎవరికైనా… ఆ ఎమ్మెల్యేలు ఇచ్చింది ఫిర్యాదు పత్రం కాదు.. నాగార్జున యాదవ్ కండక్ట్ సర్టిఫికెట్ అని అర్థం చేసుకోవచ్చు. ఖచ్చితంగా అలాంటి కండక్ట్ ఉన్న వారి కోసమే జగన్ రెడ్డి వెదుకుతూ ఉంటారు. వారికే టిక్కెట్లు ఖరారు చేస్తారు. ఇప్పుడు ఆ అవకాశం నాగార్జున యాదవ్‌కు లభిస్తోంది.

యనమల నాగార్జున అనే నాయకుడు వైసీపీలో ఉన్నాడు. రాముడి దశకంఠాలు తెగి పడ్డాయని ఓ సారి వైసీపీ ప్లీనరీలో ప్రసంగించి ..సరైన పార్టీకి సరైన లీడర్ అని అందరి చేత అనిపించున్నారు. ఆ తరవాత రోజాతో ఎక్కువగా కనిపించేవారు., మీడియాలో కీచుగొంతుతో తన పార్టీ వాదన వినిపిస్తూ ఉంటారు. ఆయన తెర వెనుక ఏవో చేస్తూంటారని చాలా మంది చెబుతూంటారు కానీ ఎప్పుడూ వివాదాల్లోకొచ్చేంత పెద్ద పనులు బయటకు రాలేదు.

ఇప్పుడు ఆయన నర్సరావుపేట ఎంపీ టిక్కెట్ ఆశిస్తున్నారు. జగన్ రెడ్డి కూడా పరిశీలిస్తున్నారు. విషయం తెలిసి నర్సరాపేట నియోజకవర్గ పరిధిలో ఎమ్మెల్యే అభ్యర్థులంతా జగన్ నుకలిశారు. ఆయన పార్టీ పేరు చెప్పుకుని చిల్లర పనులు చేశాడని రిపోర్టు ఇచ్చారు. ఈ లెక్క ప్రకారం చూస్తే.. ఖచ్చింగా నాగార్జున యాదవ్ కు… ఎంపీ టిక్కెట్ ఖాయమని వైసీపీలో సెటైర్లు వేసుకుంటున్నారు.