చంద్రబాబు సెక్యూరిటీ విషయంలో ఏపీ పోలీసులు చూపిస్తున్న నిర్లక్ష్యంపై ఎన్ఎస్‌జీ చీఫ్ కు మరోసారి నివేదిక వెళ్లినట్లుగా తెలుస్తోంది. రాజమండ్రి సభలో స్టేజ్ పైకి వందల మందిని ఒకే సారి వెళ్లేలా పోలీసులు వదిలారు. దాంతో వారంతా దూసుకొచ్చారు. చంద్రబాబు తోపులాటలో కింద పడిపోయే పరిస్థితి వచ్చింది. తమ భద్రతలో ఉన్న చంద్రబాబు విషయంలో పోలీసులు అత్యంత కుట్ర పూరితంగా వ్యవహరిస్తున్నారని.. ఇప్పటికే ఎన్‌ఎస్జీ ఓ అంచనాకు వచ్చింది. చంద్రబాబుకు సెక్యూరిటీని రెట్టింపు చేసింది.

ఎన్నికల సమయంలో మరింతగా చంద్రబాబుకు ముప్పు ఉందని .. పోలీసులు నిర్లక్ష్యం బట్టబయటలు కావడంతో NSG కమాండో చీఫ్ సెక్యూరిటీ రివ్యూ కోసం హైదరాబాద్ వస్తున్నట్లుగా తెలుస్తోంది. రాజమండ్రి కాతేరు లో టిడిపి సభలో ఒక్కసారిగా దూసుకు వచ్చిన జనాన్ని అదుపు చేయలేదని ఏపీ పోలీసులపైఎన్ఎస్‌జీ ఇప్పటికే కేంద్రానికి ఫిర్యాదు చేసిందని.. కేంద్రానికి నివేదిక ఇస్తారని .. అంటున్నారు. ఎన్నికల వరకూ చంద్రబాబుకు ప్రత్యేకమైన భద్రత పెంటే అవకాశాలు కనిపిస్తున్నాయి.

చంద్రబాబు ప్రాణానికి ముప్పు తలపెట్టేలా జగన్ రెడ్డి అండ్ బ్యాచ్ ఐదేళ్లలో చేసిన అరాచకం అంతా ఇంతా కాదు. అనేక సార్లు రాళ్ల దాడులు చేశారు. ఆ రాళ్ల దాడుల్లో ఎంతో మందికి గాయాలయ్యాయి. మార్కాపురంలో ఓ వృద్ధుడు చనిపోయాడు కూడా.ఇదంతా వైసీపీ నేతలు.. పోలీసుల అండతోనే చేశారు. దీనిపై స్పష్టమైన నివేదికలు కేంద్రానికి చేరినట్లుగా తెలుస్తోంది. త్వరలో భద్రత పెంపును అధికారికంగా ప్రకటించే అవకాశాలు ఉన్నాయి.