సూపర్ స్టార్ మహేష్ ప్రస్తుతం నటిస్తున్న బ్రహ్మోత్సవం పూర్తి కాగానే ప్రెస్టిజియస్ ప్రాజెక్ట్ మురుగదాస్ సినిమా పట్టాలెక్క నుంది. ఠాగూర్ మధు, పారాస్ జైన్ లు నిర్మిస్తున్న ఈ సినిమా దాదాపు 100 కోట్ల దాకా ఉంటుందని అంచనా.. అయితే ఇందులో హీరోయిన్ గా ఇప్పటికే మలయాళ భామ కీర్తి సురేష్ ను సెలెక్ట్ చేశారని టాక్. అయితే ఇద్దరు హీరోయిన్స్ అవసరమున్న ఈ సినిమాలో మహేష్ తో జతకట్టే మరో భామ కోసం వెతుకుతున్నారట దర్శక నిర్మాతలు.

మురుగదాస్ కూడా అకిరా సినిమా పూర్తి చేసి మహేష్ సినిమా స్టార్ట్ చేయనున్నాడు. బాలీవుడ్ భామలు కూడా మహేష్ తో నటించేందుకు సిద్ధంగా ఉన్నారు. అందుకే బీ టౌన్ హాట్ గాల్ పరిణీతి చోప్రాను మహేష్ కోసం అడుగుతున్నారట. అంతేకాదు ఆమెకు సినిమాలో నటించేందుకు భారీ మొత్తం ఆఫర్ చేశారట. తెలుస్తున్న సమాచారం ప్రకారం పరిణీతి చోప్రా రెండు కోట్ల దాకా డిమాండ్ చేయగా కోటి 30 నుండి కోటి 50 లక్షల దాకా ఇచ్చి ఆమెను ఒప్పించే ప్రయత్నాలు చేస్తున్నారట నిర్మాతలు.

కొద్దికాలం గ్యాప్ తీసుకుని బొద్దుగా ఉన్న అమ్మడు కాస్త సెక్సీగా తయారై దర్శక నిర్మాతలకు తన సోయగాలను ఫోటో షూట్ ల ద్వారా చూపిస్తుంది పరిణీతి చోప్రా. మరి మహేష్ తో జోడీ కట్టే లక్కీ చాన్స్ దక్కించుకుంటుందో లేదో చూడాలి.