ప్ర‌భాస్ చేతిలో ఉన్న ప్రాజెక్టులు ఏ పాన్ ఇండియా స్టార్ చేతిలోనూ లేవేమో..?! ఓవైపు క‌ల్కి పూర్తి చేస్తున్నాడు. మారుతి సినిమాకి డేట్లు ఇస్తున్నాడు. ఇప్పుడు ‘స‌లార్ 2’కి గ్రీన్ సిగ్న‌ల్ ఇచ్చేశాడు. ‘స‌లార్‌’ని రెండు భాగాలుగా విడ‌గొట్టిన సంగతి తెలిసిందే. ‘స‌లార్ 1’కీ స‌లార్ 2కీ కాస్త గ్యాప్ ఇవ్వాల‌ని ద‌ర్శ‌కుడు ప్ర‌శాంత్ నీల్ భావించాడు. ఈమ‌ధ్య‌లో మ‌రో సినిమా ఫినిష్ చేద్దామ‌నుకొన్నాడు. కానీ ఇప్పుడు ప్లాన్ మారింది. ఈ వేడిలోనే ‘స‌లార్ 2’నీ వ‌దిలేయాల‌ని చూస్తున్నారు. `స‌లార్ 2` స్క్రిప్టు ప‌నులు పూర్త‌యిపోయాయి. ఇప్పుడు షెడ్యూల్స్ కూడా ఫిక్స్ చేసుకొన్నారు. మార్చి నుంచి షూటింగ్ ప్రారంభం కానుంది. ప్ర‌భాస్ కూడా మార్చిలోగా ‘కల్కి’ ఫినిష్ చేసి, వెంట‌నే ‘స‌లార్ 2’ మొదలెట్ట‌బోతున్నాడు. మధ్య‌మ‌ధ్య‌లో కాస్త బ్రేక్ దొరికినా ‘రాజా సాబ్‌’కి కాల్షీట్లు కేటాయిస్తున్నాడు. ‘రాజా సాబ్‌’ 2025 సంక్రాంతికి విడుద‌ల అయ్యే ఛాన్సుంది. 2025 వేస‌విలో ‘స‌లార్ 2’ వ‌చ్చేస్తుంది. అంటే.. మూడు నెల‌ల వ్య‌వ‌ధిలో ప్ర‌భాస్ నుంచి 2 సినిమాలు వ‌స్తాయ‌న్న‌మాట‌.