‘పుష్ప’ ఊహించ‌ని విజ‌యాన్ని సొంతం చేసుకొంది. సౌత్‌లో కంటే.. నార్త్ లో ఈ సినిమా ఎక్కువ అభిమానుల్ని సంపాదించుకొంది. దాంతో ‘పుష్ష 2’పై విప‌రీత‌మైన అంచ‌నాలు పెరిగాయి. పెరిగిన అంచ‌నాల్ని దృష్టిలో ఉంచుకొని, స్క్రిప్టు ప‌రంగా సుకుమార్ అన్ని ర‌కాల జాగ్ర‌త్త‌లూ తీసుకొన్నాడు. ‘పుష్ష 2’లో కొత్త స్టార్లు ద‌ర్శ‌న‌మిస్తార‌ని గ‌ట్టిగా ప్ర‌చారం జ‌రిగింది. అయితే అందులో ఏమాత్రం నిజం లేదు. ‘పుష్ష 1’లో ఉన్న‌వారే.. పార్ట్ 2లోనూ క‌నిపిస్తారు. ఒకే ఒక్క మార్పు… జ‌గ‌ప‌తిబాబు. ఈ పాత్ర మాత్ర‌మే ‘పుష్ష 2’లో కొత్త‌గా ఎంట్రీ ఇవ్వ‌బోతోంది. ఆగ‌స్టు 15న ఈ చిత్రాన్ని విడుద‌ల చేయ‌నున్నారు. రిలీజ్ డేట్ మార‌బోతోందంటూ ప్ర‌చారం జ‌రుగుతోంది. అయితే టీమ్ మాత్రం ఆగ‌స్టు 15కే ఫిక్స‌య్యింది. అందుకే షూటింగ్ చక చక ముందుకు తీసుకెళ్తున్నారు. సుకుమార్ సినిమాల్లో ఐటెమ్ గీతాల‌కున్న ప్రాధాన్యం చెప్పాల్సిన ప‌నిలేదు. ‘పుష్ష 1’లో స‌మంత‌తో ఐటెమ్ చేయించారు. పార్ట్ 2లో కూడా ఓ స్టార్ హీరోయిన్‌ని రంగంలోకి దింప‌బోతున్నారు. ఇప్ప‌టికే ట్యూన్ సిద్ధ‌మైంద‌ని, చంద్ర‌బోస్ ఓ వెరైటీ పాయింట్ తో.. ఈ పాట‌ని రాయ‌బోతున్నార‌ని స‌మాచారం. మ‌రి.. ఈ పాట ఇంకెన్ని సంచ‌ల‌నాలు సృష్టిస్తుందో..?
‘పుష్ప 2’… అదొక్క‌టే మార్పు
