విజయ్‌ దేవరకొండ కథానాయకుడిగా పరశురామ్‌ దర్శకత్వంలో రూపొందుతున్న చిత్రం ‘ఫ్యామిలీ స్టార్’. మృణాల్‌ ఠాకూర్‌ కథానాయిక. ‘గీత గోవిందం’ తర్వాత విజయ్‌ – పరశురామ్‌ కాంబినేషన్‌లో వస్తున్న సినిమా కావడంతో మంచి అంచనాలే ఉన్నాయి. ‘ఐరనే వంచాలా ఏంటి’ డైలాగ్‌ బాగా వైరల్ అయ్యింది. మొన్న వచ్చిన నందనంద పాట కూడా జనాల్లోకి వెళ్ళింది.

ఇప్పుడు టీజర్ ని వదిలారు. దేఖోరే దేఖో .. కలియుగ రాముడు వచ్చిండు కాకో.. అంటూ అంత శ్రీరామ్ వాయిస్ తో వినిపించిన పాటతో విజయ్ క్యారెక్టర్ ని కొన్ని ఫాస్ట్ మాంటేజస్ తో చూపించారు. ‘కాలేజీ కి వెళ్ళాలి, కొంచెం దించేస్తారా ? ‘అని మృణాల్ అడిగితే ‘ఓ లీటర్ పెట్రోల్ కొట్టిస్తే దించేస్తా ‘ అని విజయ్ చెప్పడం టీజర్ లో కొసమెరుపు.

టీజర్ టైటిల్ కు న్యాయం చేస్తూ ఓ మిడిల్ క్లాస్ ఫ్యామిలీ కుర్రాడిని సరైన యాంబియన్స్ తో ఎస్టాబ్లెస్ చేసింది. విజయ్ పాత్రకు ఎదో బలమైన సంఘర్షణ వుందని టీజర్ చూస్తే అర్ధమౌతోంది. గోపిసుందర్ నేపధ్య సంగీతం, కెమరాపనితనం డీసెంట్ గా వున్నాయి. మొత్తానికి టీజర్ ఆడియన్స్ ఆసక్తిని టీజ్ చేయగలిగింది. ఏప్రిల్ 5న సినిమా వస్తోంది.