టాలీవుడ్ లో స్పోర్ట్స్ డ్రామాల సీజ‌న్ మ‌ళ్లీ మొద‌లైన‌ట్టే అనిపిస్తోంది. రామ్ చ‌ర‌ణ్ – బుచ్చిబాబు కాంబోలో రూపుదిద్దుకొంటున్న సినిమా క్రీడా నేప‌థ్యంలో సాగే క‌థ‌తో తెర‌కెక్కుతోంది. ఇప్పుడు శ‌ర్వానంద్ కూడా ఆట‌గాడిలా మారిపోయాడు. శ‌ర్వానంద్ క‌థానాయ‌కుడిగా యూవీ క్రియేష‌న్స్ సంస్థ ఓ చిత్రాన్ని రూపొందిస్తోంది. మాళ‌వికా నాయ‌ర్ క‌థానాయిక‌. ఈ సినిమాతో అభిలాష్ ద‌ర్శ‌కుడిగా ప‌రిచ‌యం అవుతున్నాడు. ఈ రోజు శ‌ర్వానంద్ పుట్టిన రోజు. ఈ సంద‌ర్భంగా ఈ చిత్రానికి సంబంధించిన ప్రీ లుక్ పోస్ట‌ర్ విడుద‌ల చేశారు. ఇందులో శ‌ర్వాని బైక్ రేస‌ర్‌గా ప‌రిచ‌యం చేశారు. 1990 నుంచి 2020 మ‌ధ్య జ‌రిగే క‌థ ఇది. శ‌ర్వా న‌టిస్తున్న 36వ సినిమా ఇది.టైటిల్ ఇంకా ఖ‌రారు కాలేదు. ‘రేస్ రాజా’ లాంటి పేర్లు ఈ సినిమా కోసం ప‌రిశీల‌న‌లో ఉన్నాయి. జిబ్రాన్ ఈ చిత్రానికి సంగీతాన్ని అందిస్తున్నాడు. శర్వా 35వ చిత్రానికి `మ‌న‌మే` అనే టైటిల్ ఫిక్స్ చేసిన సంగ‌తి తెలిసిందే. శ్రీ‌రామ్ ఆదిత్య ద‌ర్శ‌కుడు.