ప్రేక్షకుల ద్రుష్టి పడాలంటే ఏదో కొత్త కాన్సెప్ట్ ఉండాల్సిందే. ముఖ్యంగా చిన్న, మీడియా రేంజ్ సినిమాలు కాన్సెప్ట్ లోని బలంపైనే ఆధారపడతాయి. ఇప్పుడు హీరో సుహాస్ ఓ వెరైటీ కాన్సెప్ట్ తో వస్తున్నాడు. అర్జున్ వైకే దర్శకత్వంలో సుహాస్ చేస్తున్న సినిమా ‘ప్రసన్న వదనం’. తాజాగా టీజర్ వదిలారు. ‘ఫేస్ బ్లైండ్ నెస్’ అనే కాన్సెప్ట్ చుట్టూ నడిచే కథ ఇది. ‘ఫేస్ బ్లైండ్ నెస్’తో బాధపడుతున్న వారు ముఖాలని గుర్తించలేరు. ఈ సినిమాలో సుహాస్ సమస్య కూడా అదే.
తన అమ్మ నాన్నల ఫోటోని గుర్తుపట్టని సీన్ తో మొదలైన టీజర్ ఆసక్తిగానే సాగింది. ఈ కాన్సెప్ట్ కి క్రైమ్ ఎలిమెంట్స్ కూడా యాడ్ చేశారు. ‘ఫేస్ బ్లైండ్ నెస్’ ని స్క్రీన్ ప్లే లో బ్లెండ్ చేసి ఓ సస్పెన్స్ ని థ్రిల్లర్ ని చూపించబోతున్నారని టీజర్ చూస్తే అర్ధమౌతుంది. వైవిధ్యమైన కథలు ఎంపిక చేసుకుంటూ ముందుకు వెళుతున్న సుహాస్ ప్రసన్నవదనంతో కూడా ఓ కొత్త కాన్సెప్ట్ ప్రయత్నిస్తున్నారు. రిజల్ట్ ఎలా వుంటుందో చూడాలి.
