లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి – ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు అడ‌పా ద‌డ‌పా అలాంటి ప్ర‌య‌త్నాలు చేస్తున్నారు. ఆ లిస్టులోకి విశ్వ‌క్‌సేన్ చేరిపోయాడు. విశ్వ‌క్ హీరోగా ఓ కొత్త సినిమా మొద‌లైంది. పేరు.. ‘లైలా’. ఇందులో హీరో లేడీ గెట‌ప్పులో ద‌ర్శ‌న‌మివ్వ‌బోతున్నాడు. ఈరోజు విశ్వ‌క్‌సేన్ పుట్టిన రోజు సంద‌ర్భంగా.. ఈ చిత్రాన్ని అధికారికంగా ప్ర‌క‌టించారు. రామ్ నారాయ‌ణ్ ద‌ర్శ‌కుడు. సాహు గార‌పాటి నిర్మాత‌. యాక్ష‌న్‌, కామెడీ నేప‌థ్యంలో సాగే సినిమా ఇది. ఈరోజు విడుదల చేసిన మోష‌న్ పోస్ట‌ర్ ట్రెండీగా, ఇన్నోవేటివ్ గా ఉంది. ఈ మోష‌న్ పోస్ట‌ర్ చూస్తే.. క‌థ‌లోని కోణాలు అర్థ‌మ‌వుతుంటాయి. విశ్వ‌క్ ఈమ‌ధ్య ర‌క‌ర‌కాల ప్ర‌యోగాలు చేస్తున్నాడు. అందులో విజ‌యం కూడా అందుకొంటున్నాడు. ఈత‌రం హీరోలు లేడీ గెట‌ప్పులు వేయ‌డం చాలా అరుదు. ఆ విష‌యంలో విశ్వ‌క్ చేస్తున్న ప్ర‌యోగం ఏమేర‌కు ఫ‌లితాన్ని అందిస్తుందో తెలియాంటే ఇంకొంత‌కాలం ఎదురుచూడాలి. విశ్వ‌క్ చేతిలో ప్ర‌స్తుతం రెండు సినిమాలున్నాయి. ‘గ్యాంగ్స్ ఆఫ్ గోదావ‌రి’ విడుద‌ల‌కు రెడీగా ఉంది. మ‌రోవైపు ‘మెకానిక్ రాకీ’ సినిమా సెట్స్‌పై ఉంది.