ఎట్ట‌కేల‌కు న‌భాన‌టేషాకు ఓ ఛాన్స్ దొరికింది. అది కూడా.. నిఖిల్ పాన్ ఇండియా సినిమాతో. నిఖిల్ క‌థానాయ‌కుడిగా న‌టిస్తున్న చిత్రం ‘స్వ‌యంభూ’. భ‌ర‌త్ కృష్ణ‌మాచారి ద‌ర్శ‌కుడు. ఈ చిత్రంలో న‌భాని క‌థానాయిక‌గా ఎంచుకొన్నార‌ని వార్త‌లొచ్చాయి. ఇప్పుడు చిత్ర‌బృందం అధికారికంగా ప్ర‌క‌టించింది. అంతేకాదు… ఫ‌స్ట్ లుక్ కూడా విడుద‌ల చేసింది. సంప్ర‌దాయ‌బ‌ద్ధ‌మైన క‌ట్టూ, బొట్టూతో న‌భా లుక్ ఆక‌ట్టుకొనేలా ఉంది. ఈ చిత్రంలో న‌భాది చాలా శ‌క్తివంత‌మైన పాత్ర అని చిత్ర‌బృందం చెబుతోంది. ఫ‌స్ట్ లుక్‌లో అది ప్ర‌తిబింబిస్తోంది కూడా. పిక్స‌ల్ స్టూడియో ప‌తాకంపై భువ‌న్‌, శ్రీ‌క‌ర్ ఈ చిత్రాన్ని నిర్మిస్తున్నారు. ప్ర‌స్తుతం షూటింగ్ జ‌రుగుతోంది. న‌భా కూడా ఈ షూటింగ్ లో పాల్గొంటోంది. కేజీఎఫ్‌, స‌లార్ చిత్రాల‌తో ఆక‌ట్టుకొన్న ర‌వి బ‌స్రూర్ ఈ చిత్రానికి సంగీతం అందిస్తున్నారు. ‘కార్తికేయ 2’తో నిఖిల్ పాన్ ఇండియా స్థాయిలో గుర్తింపు పొందాడు. నిఖిల్ కి ఇది 20వ సినిమా ఇది. కాబ‌ట్టి ప్ర‌త్యేక శ్ర‌ద్ధ‌తో ఈ చిత్రాన్ని రూపొందిస్తున్నారు. నిఖిల్ గెట‌ప్‌, క్యారెక్ట‌రైజేష‌న్ ఆక‌ట్టుకొనేలా ఉంటాయ‌ని చిత్ర‌బృందం చెబుతోంది.