ఈరోజుల్లో సినిమాతో దర్శకుడిగా పరిచయమై మొదట కాస్త రోత సినిమాలతో ప్రేక్షకుల్లో కొంత అసంతృప్తి వచ్చేలా చేసుకున్న నాని హీరోగా భలే భలే మగాడివోయ్ సినిమాతో తన సత్తా చాటుకున్న దర్శకుడు మారుతి. ప్రస్తుతం విక్టరీ వెంకటేష్ తో బాబు బంగారం సినిమాను డైరెక్ట్ చేస్తున్న మారుతి తనకు పూర్తి యానిమేషన్ తోనే ఓ సినిమా తీయలని ఉందని తన మనసులో మాట బయటపెట్టాడు.
రీసెంట్ గా అమలాపురం ఓ కాలేజ్ ఫంక్షన్ కు గెస్ట్ గా వెళ్లిన మారుతి అక్కడ తన అభిప్రాయాన్ని వెళ్లబుచ్చారు. అయితే తనకు ముందు ఆ రంగంలో అనుభవం ఉంది కాబట్టే మారుతి అలాంటి ఓ నిర్ణయాన్ని తీసుకుని ఉంటాడని అనుకుంటున్నారు ఆయన సన్నిహితులు. మారుతి మాటలను బట్టి చూస్తుంటే ఆ యానిమేషన్ సినిమా త్వరలోనే కార్యరూపం దాల్చేలా ఉంది.
మరి కొచ్చాడియన్ లా మారుతి కూడా ఏ హీరోతో ఆ యానిమేషన్ సినిమా ప్రయత్నం చేస్తాడో చూడాలి. చేస్తున్న బాబు బంగారం సినిమా అనుకున్న సమయంలోనే షూటింగ్ కంప్లీట్ అవుతుంది. నయనతార హీరోయిన్ గా నటిస్తున్న ఈ సినిమాకు గిబ్రన్ సంగీతం అందిస్తున్నాడు. అన్ని హంగులను పూర్తి చేసుకుని సినిమాను జూలై నెలలో రిలీజ్ చేసే ఆలోచనలో ఉన్నారు దర్శక నిర్మాతలు.
