ఏంటి మీరంటుంది నిజమేనా.. దసరాకే బాహుబలి-2 వస్తుందా అన్న ఆశ్చర్యంలో మునిగి తేలే అవకాశం ఉంది. అయితే రాజమౌళి అంత తొందరగా సినిమాను చెక్కుతాడా చెప్పండి. దసరాకు వచ్చేది కేవలం టీజర్ మాత్రమే అట. అసలు సినిమా 2017లోనే అంటున్నారు. సినిమా ప్రమోషన్ లో ధిట్ట అయిన జక్కన్న బాహుబలి-2 గురించి ఈ సంవత్సరం కూడా మాట్లాడాలని సినిమా టీజర్ ను ముందే రిలీజ్ చేస్తున్నారట.
2017 ఏప్రిల్ 14న సినిమా రిలీజ్ అని టార్గెట్ ఫిక్స్ చేసుకున్న రాజమౌళి అండ్ టీం సినిమా కోసం మళ్లీ వర్క్ అవుట్స్ చేయడం మొదలుపెట్టారు. మొదటి పార్ట్ తో సంచలనాలను సృష్టించిన బాహుబలు ఈ సెకండ్ పార్ట్ లో కూడా ఎన్నో రికార్డులను కొల్లగొట్టడం ఖాయం అని చెప్పొచ్చు. మరి దసరా నాడు వచ్చే బాహుబలి-2 టీజర్ గురించి యంగ్ రెబల్ స్టార్ ఫ్యాన్స్ అంతా ఇప్పటి నుండే ఈగర్ గా వెయిట్ చేస్తున్నారు.
