మెగా తనయురాలు నిహారిక ఏదో సరదాగా సినిమాల్లోకి వచ్చే ఉద్దేశంతో వస్తున్నట్టు లేదు. అభిమానుల హృదయాల్లో అభినయ తారగా వెలుగొందేలానే తన ప్రయత్నాలు చేస్తుంది. ఇప్పటికే బుల్లితెర మీద షోలతో ప్రేక్షకులను ఆకట్టుకుంటున్న నిహారిక. వెబ్ సీరీస్ గా వస్తున్న ముద్దపప్పు ఆవకాయ్ తో యూత్ లో మంచి ఫాలోయింగ్ ఏర్పరచుకుంది. ఇక సిల్వర్ స్క్రీన్ మీద తను మొదట కమిట్ అయిన సినిమా ‘ఒక మనసు’.

మల్లెల తీరంలో సిరిమల్లె పువ్వు సినిమా దర్శకుడు రామరాజు దర్శకత్వంలో వస్తున్న ఈ సినిమాను టివి-9, మధురా శ్రీధర్ కలిసి నిర్మిస్తున్నారు. శరవేగంగా షూటింగ్ జరుపుకుంటున్న ఈ సినిమా ఫస్ట్ లుక్ పోస్టర్ రిలీజ్ చేశారు చిత్రయూనిట్. ఓ అభినవ ప్రేమకావ్యంలా కనిపిస్తున్న ఈ ఫస్ట్ లుక్ ప్రేక్షకులను బాగా ఇంప్రెస్ చేసింది. ఇక కళ్యాణ వైభోగమేతో హిట్ కొట్టిన నాగశౌర్య కూడా ఈ సినిమాలో డిఫరెంట్ లుక్ తో కనిపిస్తున్నాడు. సినిమా ఆడియో రిలీజ్ కూడా మెగా హీరోల చేతుల మీదుగా జరుగనున్న ‘ఒక మనసు’ సినిమా ఎలాంటి ఫలితాన్ని అందుకుంటుందో చూడాలి.