వెంకటేష్ అనిల్ రావిపూడి సినిమా ఫిక్స్ అయ్యింది. F2 , F3 తర్వాత మరో సినిమా కోసం జతకట్టారు. శ్రీ వెంకటేశ్వర క్రియేషన్స్ పై దిల్ రాజు నిర్మిస్తున్నారు. ఈ సినిమా కోసం అనిల్ ఎంచుకున్న పాయింట్ భలే గమ్మత్తుగా వుంది. సింగిల్ లైన్ లో చెప్పాలంటే ఇదొక ట్రై యాంగిలర్ క్రైమ్ ఎంటర్‌టైనర్. హీరో, అతని ఎక్స్ గర్ల్ ఫ్రెండ్, అతని వైఫ్. ఇదీ థీమ్. అనిల్ ఆలోచనలు ఇంతే సింపుల్ గా సూపర్ గా వుంటాయి. ఇందులోనే ఫ్యామిలీ ఆడియన్స్ కి కావాల్సిన హిలేరియస్ ఎలిమెంట్స్ అన్నీ సమకూరుస్తున్నారు. ఈ సినిమా మ్యూజిక్ కోసం భీమ్స్ ని తన టీంలోకి తీసుకున్నారు అనిల్. మంచి మాస్ పల్స్ తెలిసిన కంపోజర్ తను. జనాల్లోకి వెళ్ళే ట్యూన్స్ ని ఇచ్చే నేర్పు వుంది. 2025సంక్రాంతికి ఈ సినిమా వస్తుందని అధికారకంగా ఖరారు చేశారు. చిరంజీవి విశ్వంభర, రవితేజ సినిమాతో పాటు ఇంకొన్ని ప్రాజెక్ట్స్ కూడా ఈ బరిలో వున్నాయి. ఇప్పుడు వెంకీ అనిల్ కూడా సంక్రాంతికి ముస్తాబౌతున్నారు.