రామ్ కెరీర్‌లోనే పెద్ద హిట్ గా నిలిచింది ‘ఇస్మార్ట్ శంక‌ర్‌’. పూరికి కూడా ఇది మంచి క‌మ్ బ్యాక్ సినిమా అయ్యింది. ఇప్పుడు ఇద్ద‌రూ క‌లిసి సీక్వెల్ చేస్తున్నారు. అదే ‘డ‌బుల్ ఇస్మార్ట్’. ఈ సినిమా మార్చిలోనే విడుద‌ల కావాల్సింది. కానీ.. ఆల‌స్య‌మైంది. ఇప్పుడు జూన్‌కి వెళ్లింది. అయితే జూన్‌లో కూడా రావ‌డం క‌ష్ట‌మే. ఎందుకంటే ఎన్నిక‌ల సీజ‌న్ వ‌ల్ల, సినిమాల‌న్నీ వాయిదా ప‌డ్డాయి. పెద్ద పెద్ద సినిమాల‌న్నీ జూన్‌లోనే వస్తున్నాయి. కాబ‌ట్టి ‘డ‌బుల్ ఇస్మార్ట్’కి స‌రైన డేట్ దొర‌క్క‌పోవొచ్చు. జూలైలో ఈ సినిమా విడుద‌ల కావొచ్చు.
‘డ‌బుల్ ఇస్మార్ట్’ ఓటీటీ హ‌క్కుల్ని నెట్‌ఫ్లిక్స్ సంస్థ చేజిక్కించుకొంది. రామ్ కెరీర్‌లోనే మంచి రేటు ప‌లికిన సినిమా ఇది. దాదాపు 90 శాతం టాకీ పూర్త‌య్యింది. కొన్ని సన్నివేశాల‌తో పాటు, 3 పాట‌ల్ని తెర‌కెక్కించాలి. ప్ర‌స్తుతం మ‌ణిశ‌ర్మ మిగిలిన 3 పాట‌ల‌కు సంబంధించిన బాణీల్నీ అందించే ప‌నిలో ఉన్నాడ‌ని టాక్‌. ట్యూన్స్ రాగానే పాట‌ల చిత్రీక‌ర‌ణ మొద‌లెడ‌తారు. జులై లో కాబ‌ట్టి.. రిలీజ్‌కు మంచి టైమ్ ఉన్న‌ట్టే.
