మంచు మనోజ్ ఇంట సంద‌డి నెల‌కొంది. ఆయ‌న ఇంట్లో ఓ చిన్నారి కేరింత‌లు వినిపిస్తున్నాయి. మనోజ్ – మౌనిక ఓ పండంటి ఆడ‌పిల్ల‌కు జన్మ‌నిచ్చారు. ఈ విష‌యాన్ని మనోజ్ సోష‌ల్ మీడియా ద్వారా త‌న అభిమానుల‌తో పంచుకొన్నాడు. మనోజ్, మౌనిక.. ఇద్ద‌రికీ ఇది రెండో పెళ్లే. మౌనిక‌కు ఇది వ‌ర‌కు ధైరవ్ అనే అబ్బాయి ఉన్నాడు. ఇప్పుడు ఈ ఇంట మ‌రో చిన్నారి అడుగుపెట్టింది. ఇప్ప‌టికే ఈ పాప‌కు ‘ఎం.ఎం.పులి’ అంటూ ముద్దు పేరు కూడా పెట్టుకొన్నారు.
మనోజ్ ఇప్పుడు సెకండ్ ఇన్నింగ్స్ పై దృష్టి పెట్టాడు. ఇప్ప‌టికే ఈటీవీలో ఓ టాక్ షో చేస్తున్నాడు. అది హిట్ట‌య్యింది. వెండి తెర‌పై కూడా మ‌నుప‌టిలా విజృంభించాల‌ని చూస్తున్నాడు. కొన్ని క‌థ‌లు ఓకే చేశాడు. ‘వాట్ ద ఫిష్‌’ అనే సినిమా చిత్రీక‌ర‌ణ ద‌శ‌లో ఉంది. `మిరాయ్`లో మనోజ్ ఓ కీల‌క పాత్ర పోషిస్తున్నాడు. త్వ‌ర‌లోనే మనోజ్ కొత్త సినిమా సంగ‌తులు బ‌య‌ట‌కు వ‌స్తాయి.
