రెండు కార్పొరేషన్లు, రెండు మునిసిపాలిటీలు.. నాలుగు పట్టణాలకు జరిగిన ఎన్నికల్లో అప్పుడే ఒకటి ఫలితం తేలిపోయింది. బుధవారంనాడు ఓట్ల లెక్కింపు మొదలైన కాసేపటికి అచ్చంపేట ఫలితాలు వచ్చాయి. మొత్తం 20 వార్డులకు గాను 20 చోట్ల విజయం సాధించిన తెలంగాణ రాష్ట్ర సమితి.. తిరుగులేని విజయాన్ని నమోదు చేసింది. మొత్తం క్లీన్‌ స్వీప్‌ చేసేసింది. పాలమూరు జిల్లాలో కూడా అనూహ్యంగా పెరుగుతున్న తెరాస బలానికి ఇది చిహ్నంగా భావించాలి.
మిగిలిన మూడు పట్టణాల ఎన్నికల ఫలితాలు త్వరలో వెలువడుతాయి. ఓట్ల లెక్కింపు జరుగుతోంది.
ప్రతిపక్షాలకు ఒక్క వార్డుకూడా దక్కకుండా తెరాస క్లీన్‌స్వీప్‌ చేయడంపై తెరాస శ్రేణులు హర్షాతిరేకాలు వ్యక్తం చేస్తున్నాయి. విపక్షాలు ఎన్ని రకాలు కువిమర్శలు చేస్తూ ఉన్నప్పటికీ.. ప్రజల్లో తెరాసకు తిరుగులేని ఆదరణ ఉన్నదనడానికి ఇది నిదర్శనం అని అంటున్నారు. ఆదరణ ఉండడమే కాదు, పెరుగుతుండడానికి ఇది నిదర్శనం అనిపలువురు వ్యాఖ్యానిస్తన్నారు.
