ఏమాయ చేసావే సినిమాతో అటు కెరియర్ లో మంచి హిట్ అందుకుని లవ బోయ్ ఇమేజ్ సంపాధించుకున్న నాగచైతన్య.. అదే సినిమాతో తెరంగేట్రం చేసి ఏకంగా టాలీవుడ్ స్టార్ హీరోయిన్ అయిన సమంతలది సూపర్ కాంబినేషన్. వీరిద్దరు ఇప్పటి వరకు మూడు సినిమాల్లో నటించి ప్రేక్షకులను అలరించారు. తన కెరియర్ లో మొదటి హిట్ ఇచ్చిన హీరో కాబట్టి సమంతకు చైతన్య ఎప్పుడు స్పెషల్ అంటుంటుంది. అందుకే చైతుతో సినిమా అంటే రెక్కలు కట్టుకు వాలిపోతుంది.
ప్రస్తుతం చేతినిండా సినిమాలున్న సమంత నాగచైతన్య హీరోగా చేస్తున్న సినిమాలో మరోసారి తనతో జతకడుతుందట. సోగ్గాడే చిన్ని నాయనా సినిమాతో మొదటి సినిమాతోనే 50 కోట్ల కలక్షన్స్ వసూళు చేసిన డైరక్టర్ కళ్యాణ్ కృష్ణ డైరక్షన్ లో ఈ సినిమా రాబోతుంది. అన్నపూర్ణ బ్యానర్ లో అక్కినేని నాగార్జున సినిమాను నిర్మిస్తుండగా అనూప్ రూబెన్స్ సంగీతం అందిస్తున్నాడు.
రొమాంటిక్ ఎంటర్టైంగర్ రాబోతున్న ఈ సినిమాలో మరోసారి నాగచైతన్య, సమంతల జంట ఆకట్టుకోనుంది. ప్రస్తుతం చైతు సాహసం శ్వాసగా సాగిపో రిలీజ్ కు రెడీ అవుతుండగా.. మలయాళ సూపర్ హిట్ సినిమా ప్రేమమ్ రీమేక్ షూటింగ్ లో బిజీగా ఉన్నాడు. ఈ ప్రాజెక్ట్ కాగానే కళ్యాణ్ కృష్ణ సినిమా పట్టాలెక్కనుంది.
