బెల్లంకొండ శ్రీనివాస్ ఇప్పుడు ఫుల్ జోష్ లో ఉన్నాడు. త‌ను హీరోగా చేస్తున్న `టైస‌న్ నాయుడు` సెట్స్‌పై ఉంది. ‘చావు క‌బురు చ‌ల్ల‌గా’ ద‌ర్శ‌కుడితో ‘కిష్కింద పురి’ అనే ఓ సినిమా చేస్తున్నాడు. ఇవి కాకుండా మ‌రో రెండు క‌థ‌లు ఓకే చేశాడు. ఇప్పుడు మ‌రో సినిమాని సెట్స్‌పైకి తీసుకెళ్తున్నాడు. ఈ సినిమా బెల్లంకొండ‌కు స‌మ్‌థింగ్ స్పెష‌ల్ గా ఉండ‌బోతోంద‌ని టాక్‌. దాదాపు రూ.50 కోట్ల భారీ వ్య‌యంతో ఈ చిత్రాన్ని రూపొందిస్తున్నారు. లుధీర్ బైరెడ్డి ఈ సినిమాతో ద‌ర్శ‌కుడిగా ప‌రిచ‌యం కాబోతున్నారు. ఇదో సోషియో ఫాంట‌సీ, అడ్వంచ‌ర‌స్ థ్రిల్ల‌ర్ అని టాక్‌.
ఈ క‌థ‌ని యేడాది క్రిత‌మే బెల్లంకొండ ఓకే చేశాడు. అప్ప‌టి నుంచీ ప్రీ ప్రొడ‌క్ష‌న్ వ‌ర్క్ జ‌రుగుతూనే ఉంది. అయితే స‌రైన ప్రొడ‌క్ష‌న్ హౌస్ కోసం బెల్లంకొండ ఎదురు చూశాడు. ఇప్పుడు ఈ క‌థ‌ని న‌మ్మి, అందుకు త‌గిన పెట్టుబ‌డి పెట్టే నిర్మాణ సంస్థ టీమ్‌లో జాయిన్ అయ్యింది. మూన్ షైన్ పిక్చ‌ర్స్‌, షైన్ స్క్రీన్స్ సంస్థ‌ల‌తో రెండు సినిమాలు చేస్తున్నాన‌ని ఇటీవ‌ల బెల్లంకొండ ప్ర‌క‌టించాడు. ఈ బ్యాన‌ర్‌ల‌లో ఒక‌దానిపై ఈ రూ.50 కోట్ల సినిమా రాబోతోంది. ఈ చిత్రంలో పేరున్న న‌టీన‌టులు, సాంకేతిక నిపుణులు ప‌ని చేయ‌బోతున్నారు. వాళ్ల వివ‌రాలు ఒకొక్క‌టిగా బ‌య‌ట‌కు వ‌స్తాయి. లుధీర్‌కి ఇదే తొలి సినిమా. రూ.50 కోట్ల ప్రాజెక్ట్ ని ఓ కొత్త ద‌ర్శ‌కుడి చేతిలో పెట్టారంటే బెల్లంకొండ ఈ క‌థ‌ని ఎంత గ‌ట్టిగా న‌మ్మాడో అర్థం అవుతోంది. జూన్ లేదా జులైలో ఈ చిత్రం సెట్స్‌పైకి వెళ్తుంది. ఈలోగా ఓ మంచి రోజు చూసుకొని, ఈ చిత్రానికి సంబంధించిన అధికారిక ప్ర‌క‌ట‌న విడుద‌ల చేయ‌నున్నారు.
