బెల్లంకొండ శ్రీనివాస్ క‌థానాయ‌కుడిగా మూన్ షైన్ పిక్చ‌ర్స్ ఓ చిత్రాన్ని రూపొందిస్తోంది. దీంతో లుధీర్ బైరెడ్డి ద‌ర్శ‌కుడిగా ప‌రిచ‌యం అవుతున్నారు. ఈ చిత్రంలో క‌థానాయిక‌గా సంయుక్త మీన‌న్ ని ఎంచుకొన్నారు. బెల్లంకొండ – సంయుక్త క‌లిసి న‌టించ‌డం ఇదే తొలిసారి. రూ.50 కోట్ల భారీ బ‌డ్జెట్ తో ఈ చిత్రాన్ని తెర‌కెక్కిస్తున్నారు. బెల్లంకొండ‌కు బాగా ఇష్ట‌మైన క‌థ ఇది. ఇప్పుడున్న ప‌రిస్థితుల్లో బెల్లంకొండ‌పై రూ.50 కోట్లు పెట్టుబ‌డి పెట్ట‌డం పెద్ద రిస్క్. కానీ క‌థ‌పై న‌మ్మ‌కంతో నిర్మాత‌లు ఈ రిస్క్ చేయ‌డానికి ముందుకొచ్చారు. యేడాది పాటు ప్రీ ప్రొడ‌క్ష‌న్ ప‌నులు జ‌రిగాయి. జూన్‌లో ఈ చిత్రాన్ని లాంఛ‌నంగా ప్రారంభిస్తారు.
సైన్స్ ఫిక్ష‌న్, సోషియోఫాంట‌సీ క‌ల‌గ‌లిపిన థ్రిల్ల‌ర్ ఇది. ఈ జోన‌ర్‌కు ఇప్పుడు పాన్ ఇండియా స్థాయిలో మంచి ఆద‌ర‌ణ ఉంది. అందుకే ఈ సినిమానీ పాన్ ఇండియా స్థాయిలోనే రూపొందిస్తున్నారు. న‌టీన‌టులు, ఇత‌ర టెక్నీష‌య‌న్ల ఎంపిక జ‌రుగుతోంది. టెక్నిక‌ల్ గా ఈ సినిమాని హై స్టాండ‌ర్డ్స్ లో తెర‌కెక్కించ‌డానికి మూన్ షైన్ పిక్చ‌ర్స్ అన్ని ఏర్పాట్లూ చేస్తోంది. ఎవ‌రూ ఊహించ‌ని కొన్ని కాంబినేష‌న్లు కూడా ఈ సినిమాతో తెర‌పై క‌నిపించే అవ‌కాశం ఉంది. త్వ‌ర‌లోనే టైటిల్ తో పాటుగా, సినిమా వివ‌రాల్ని అధికారికంగా ప్ర‌క‌టిస్తారు.
