తెలుగు రాష్ట్రాల్లో ఎన్నికల ప్రచారంలో పాల్గొననున్నారు ప్రధాని మోడీ. ప్రధాని పర్యటన నేపథ్యంలో భారీ బందోబస్తు ఏర్పాటు చేశారు. మంగళవారం రాత్రే హైదరాబాద్ చేరుకున్న మోడీ రాజ్ భవన్ లో బస చేశారు. బుధవారం ఉదయం వేములవాడలో శ్రీ రాజరాజేశ్వర స్వామిని దర్శించుకొని అనంతరం కరీంనగర్ ఎంపీ అభ్యర్థి బండి సంజయ్ కు మద్దతుగా వేములవాడలో ఏర్పాటు చేసిన ఎన్నికల ప్రచార సభలో ప్రసంగించనున్నారు.

అనంతరం అక్కడి నుంచి వరంగల్ చేరుకొని లక్ష్మీ పూర్ లో ఓరుగల్లు జన సభలో ప్రధాని పాల్గొని ప్రసంగిస్తారు. తెలంగాణలో రెండు సభలు ముగిసిన తర్వాత మరోసారి ఏపీ ఎన్నికల ప్రచారంలో పాల్గొనేందుకు వెళ్లనున్నారు. రాజంపేట ఎంపీ అభ్యర్థి కిరణ్ కుమార్ రెడ్డికి మద్దతుగా భారీ బహిరంగ సభలో ప్రధాని పాల్గొననున్నారు.

రాజంపేట నుంచి హెలికాఫ్టర్‌లో బయల్దేరి తిరుపతి విమానాశ్రయానికి… అక్కడ నుంచి గన్నవరం ఎయిర్‌పోర్టుకి మోడీ చేరుకుంటారు.రాత్రి 7 గంటలకు బందర్ రోడ్డులోని ఇండియా గాంధీ స్టేడియానికి చేరుకొని కూటమి అభ్యర్థుల కోసం ప్రచారం చేయనున్నారు. సాయంత్రం 6 నుంచి 7 వరకు స్టేడియం నుంచి బెంజి సర్కిల్ వరకు జరిగే రోడ్ షో లో పాల్గొంటారు. అనంతరం మోడీ గన్నవరం నుంచి నేరుగా ఢిల్లీకి తిరుగు పయనం కానున్నారు.